Covalima (RCCT) 09-08-24- Sekretariu Estado Formasaun Profesional no Empregu (SEFOPE) realiza feiria kareira no Edukasaun ba estudante sira no mos estudante sira hala’o hela aprende iha kurusus sira iha Munsipiu Covalima
Sekretariu Estado Formasaun Profesional no Empregu (SEFOPE) Rogério Araújo Mendonça hateten Feiria kareira no Edukasaun ne’e realija hodi fahe informasaun ba estudante sira ne’ebé remata ona estudu maibe la kontunua ba universidade ne’ebe sira sai hanesan dezempregu permanenti.
“Realiza feiria kareira ba etudante ne’e nia objetivu fahe informasaun ba ita nia alin sira iha eskola liuliu ba alin sira ne’ebé remata ona maibe laiha finanseiru ba iha Universidade sira sai hanesan dezempregu permanente entaun husi politik formasaun ba estudante empregu hodi dezamiña informasaun ba alin sira ne’ebé mak tur hela iha eskola SMA klase 3 ne’ebé atu remata ona para lori ita bo’ot sira asesu ba informasaun balu ne’ebé mak nia familia apoiu finanseiru di’ak nia futuru ne’ebé mak nia remata iha fulan oin mai nia bele kontinua ba Universidade rai laran ou ba rai liur maibe balu ne’ebé mak inan aman menus de apoiu finanseiru politik guvernu ninian lori sira atu asesu informsaun” Dehan SEFOPE, Rogério Araújo Mendonça.
Sekretaria Munisipal Asuntu Administrasaun no Finansas Alberto Moniz de Araujo, sadik foinsa’e sira atu prepara an iha liingua no profisional sira
“Hanesan autoridade lokal sadik ita bo’ot sira atu prepara ita bo’ot sira nia an iha lingua no profisional sira seluk Sefope ho nia ekipa prontu atu ajuda ita bo’ot sira bainhra ita bo’ot sira akaba formasaun lubuk ida ita bo’ot sira bele hetan iha ne’eba ita nia estan sira bele partial informasaun ba ita bo’ot sira para bele eltrikeza bele eleva no mellora ita bo’ot sira nia kuñesimentu maske ita bo’ot sira seidauk akaba” Sekretaria Munisipal Asuntu Administrasaun no Finansas Alberto Moniz de Araujo haktuir.
Entretantu Feiria kareira no edukasaun ne’e hala’o durante loron rua iha Salaun Eskola Sekundaria Jeral Publika Suai, partisipa masimu husi estudante sira ne’ebé iha eskola sekundaria eskola tekniku sira no mos estudante sira sira ne’ebé aprende iha kursus inklui estudante sira husi Universidade da Paz Ramu Covalima.
Jornalista: Moichung
Editor : Chamot Nahac
