Covalima (RCCT) 28-09-23–Tuir deadus ne’ebé iha, hahu husi fulan Janeiru to’o Setembru tinan ne’e (Sekretariado Formasaun Profesional Emprego) SEFOPE Covalima rejista joven sira ne’ebé hetan ona kartaun evidensia husi SEFOPE hamutuk ema na’in-885.

Diretór Servisu Sekretaria Formasaun Profesional Emprego Munisipiu Covalima, Antonio Carvalho, hatete joven sira ne’ebé asesu ona ba kartaun evidensia hamutuk ema na’in-885 no sira ne’e mai husi area programa keta ketak maka hanesan programa auto empregu, formasaun professional no programa SWP.

“Dadus ne’ebé iha husi husi Janeiru mai to’o Setembru ita nia joven sira ne’ebé asesu on aba kartaun evidensia ne’e iha parte tolu maka hanesan programa auto empregu, formasaun professional no progama SWP ne’e maka total hamutuk ema na’in-885” informa Diretór Servisu Sekretaria Formasaun Profesional Empregu Munisipiu Covalima, Antonio Carvalho ba jornalista sira iha salaun enkontru ba Dame CNE Munisipiu Covalima Kinta ne’e.

Nia dehan joven sira ne’ebé hetan kartaun evidensia hamutuk ema na’in-885 mai hotu husi postu administrative 7 iha Covalima, no sira ne’ebé asesu ba kartaun evidensia ne’e tenke iha diploma sekundaria inklui sertifikadu, bilete identidade no sertidaun RDTL.

“joven sira ne’e mai hotu husi postu administrative 7 tanba SEFOPE iha Covalima ida deit ne’ebé hotu-hotu mai konsentral iha Suai, sira ne’ebé atu asesu ba kartaun evidensia rekezitus maka hanesan ema ne’ebé tenke iha ijasa ikus liu hanesan SMA ka SMP depois aprezenta mos sira nia sertifikadu ruma karik iha para be;e tau iha sistema” nia dehan.

Entertantu Diretór Servisu Sekretaria Formasaun Profesional Empregu Munisipiu Covalima, Antonio Carvalho subliña katak ema ne’ebé presija atu hasai kartaun evidensia ne’e tenke nain maka mai hasai direita labele halo ema seluk maka reprezenta.

Jornalista : JS

Editor : CN