.png)
Covalima 07-03-24-Sekretaria Estadu Dezenvolvimentu Lokal (SEDL), Mateus dos Santos Talo fo pose ba Prezidente Autoridade Munisipal (PAM), Miguel Armada Cardoso no Sekretariu Munisipal Asunto Sosiais no Oranizasaun Munisipiu Covalima Filomino Cardoso.
SEDL Mateus dos Santos Talo simu kna’ar husi Ministru Administrasaun Estatal (MAE) Tomas Cabral hodi fo pose ba PAM no Sekretariu asuntu sosiais, serimonia simu pose ne’e hanesan momentu di’ak hodi hahu faze daruak ba implementasaun politika desentralizasaun munisipiu ida ne’e. Dehan SEDL iha nia deskursu.
“Ha’u simu k’nar husi Ministru Administrasaun Estatal (MAE) mai iha fatin uda ne’e hodi fo pose ba Prezidente Autoridade Munisipiu Covalima foun ho nia Sekretariu Munisipal Asunto Sosiais no Oranizasaun, serimonia simu pose ida ne’e sai hanesan momentu hodi hahu faze daruak ba implementasaun politika desentralizasaun administrativa iha munisipiu ida ne’e, desentralizasaun administrativa konsagra ona iha konstituisaun RDTL nudar prosesu ida hodi transfere poder no responsabilidade husi administrasaun sentral ba autoridade munisipal sira, loke oportunidade ba partisipasauun komunidade nian iha prosesu foti desizaun no mos iha oinsa atu jere situasaun ka asuntu sira ne’ebé maka iha iinfluensia direita ba sira nia komunidade, ho nune’e iha prosesu dezenvolvimentu ita nia rain, implementasaun politika desentralizasaun administrativa iha ita nia rain importante tebes hodi responde ba nesesidade espesial ba kada munisipiu no asegura katak komunidade hotu-hotu hetan asesu hanesan ba atendimentu publiku adekuadu no kualifikadu, autoridade munisipal sei autonomia ida boot liu hodi diriji no jere rasik administrasaun rekursu sira no dezenvolve politika ba area sira ne’ebé presija dezenvolve ho di’ak iha sira nia rejiaun fo apoiu ba dezenvolvimentu setor privadu iha area rural sira promove mos instituisaun estadu ida ne’ebé forte lejitimu no stabil iha teritoriu tomak” informa SEDL Mateus dos Santos Talo, iha nia itervensaun hafoin fo pose ba PAM no Sekretariu Asuntu Sosiais iha Covalima ne’ebé hala’o iha Salaun enkontru Administrasaun Munisipiu Covalima.
Hafoin simu tiha pose, PAM Covalima, Miguel Armada Cardoso iha nia intrevista ho jornalista sira dehan trasa ona planu no halo uluk maka enkontru sekretariu munisipal na’in 3 inklui diretor servisu munisipal sira,nune’e bele fahe servisu ba malu ho di’ak iha futuru.
“Programa ne’ebé hau trasa ona primeiru lugar tenke halo reuniaun ida ho hau nia sekretariu na’in-3 no diretor munisipal sira hodi fahe mos servisu balu atu nune;e ida-idak bele hatene ninia servisu, iha hau nia mandatu ne’e hau tenke sai prioridade ba hau maka iha reuniaun Konsellu Kordenasaun Munisipal, nune’e mos kada fulan 6 hala’o reuniaun konsellu konsultivu munisipal ne’ebé liu husi ita nia planu anual, reuniaun rua ne’e liu husi reuniaun Konsellu Kordenasaun Munisipal hodi hatene no sukat servisu hirak ne’ebé planea ona liu husi planu asaun annual ne’ebé sira iha no sira ida-idak sei aprezenta sira nia planu, sira ida-idak sei hato’o sira nia planu hodi nune’e ezekuta ona servisu hirak ne’ebé sira iha” nia dehan.
Enteratantu serimonia tomada de posse ba PAM no Sekretariu Asuntu Sosias no Organizasaun ne’e hala’o iha salaun enkontru Administrasaun Munisipiu Covalima, iha serimonia solene ne’e hetan partisipasaun husi Sekretariu Estadu Dezenvolvimentu Lokal, Mateus dos Santos Talo, Vise Ministru Asuntu Parlamentar, Aderito Hugo da Costa, Vise Ministru Infraestrutura, Julio do Carmo, Sekretaria Estadu Terras no Propriedade Jaime Xavier Lopes, Sekretaria Estadu Pekuaria Jose Vieira de Araujo, Sekretaria Estadu Floresta Fernandinho Vieira, Komisariu CNE Destakadu Aileu no Covalima, Konsellu Kombatentes Liberatsaun Nasional Munisipiu Covalima, Komandante PNTL Munisipiu Covalima, Administrador Postu Administrativu na’in-7, Xefe suku na’in 30, komunidade no inan mana familia emposadu sira inklui diretor munisipal sira hotu iha rai Covalima.
Editor : Chamot Nahac
