Sede Suco Holpilat la tama iha Lista Proposta Projeto ba tinan 2022 “ Administrador Covalima Sei Levanta, iha Diskusaun tuir mai”

Covalima (RCCT)- 14-04-21 Relasiona Autoridade sira iha Municipio Covalima halo diskusaun iha Salaun Administrasaun Municipal konaba Proposta Projeto ba tinan 2022, Sede Suco Holpilat iha Posto Administrativu Maukatar la tama iha Lista Proposta Projeto 2022 maske Sede Suco ne’e nia kondisaun la di’ak (at) ona.

Liga ho Asunto ne’e Administrador Municipio Covalima Francisco de Andrade informa, Sede Suco Holpilat la tama iha lista proposta tanba planu ne’e husi Suco no Posto maka halo rasik, maske nune’e Administrador Municipio ne’e promesa nia sei  levanta asuntu ne’e iha Diskusaun tuir.

Administrador ms reknhese konaba kondisaun fizika Sede Suco Holpilat nebe at ona tanba nia rasik halo ona observasaun direita foin lalais.

“ Sede Suku Holpilat ne’e la tama iha lista porque planu prioridade ou lae, ne’e sira maka halo rasik, maibe ha’u mos hare rasik ona katak los duni Sede Suco ne’e halo iha tempo Indonesia nian agora nia kakuluk mos att ona, maibe hau sei koalia iha diskusaun tuir mai ” Dehan Administrador Munisipio Covalima.

Sede Suku Holpilat iha Posto Administrativo Maukatar, hari iha tempo okupasaun Indonesia, to’o hetan Independensia kontinua halo deit  rehabilitasaun,

Iha tinan 2007 ne’e Sede Suco refere hetan estragus husi desastre naturais ba dadaun ne’e Sede Suco refere nia kakuluk att kleur ona, no ninia fundasi mos la iha ona kualidade, tanba uma ne’e hamrik ho durasaun tempo nebe maka naruk tebes ona.

Jornalista                     : Tynho Gusmão

Editor                           : Chamot Nahac