Covalima (RCCT) 10-04-25- Germano Santa Britis Dias, deklara Sekretaria Estadu Asuntu Toponomia no Organizasaun Urbana (SEATOU), hala’o servisu bazeia ba dekretu Lei Numeru. 33/2008 ne’ebé Prezidente Republika Demokratika Timor Leste aprova.
Sekretariu Estadu Asuntu Toponomia no Urbanizasaun (SEATOU), Germano Santa Britis Dias, deklara lia ne’e wainhira hala’o hamotuk ho ekipa liña ministeriais hala’o sosializasaun no kunsulta publiku iha Postu administrativu Zumalai Munisipiu Covalima, kinta foin lalais.
“Ha’u mai atu ko’alia nune’e maluk Zumalai oan sira atu bele rona hau nia lian, servisu ida SEATOU nian ne’e bazeia de’it ba dekretu Lei 33 ne’ebe maka liu tiha iba iha 2008 depois Prezidente Republika aprova, implementasaun ne’e la’o tersendat-sendat, depois nonu governu mai ita la’o netik uitoan, iha Janeiru 2024 Primeiru aletrasaun ba dekretu Lei No.3 ita uza ne’e hodi halo servisu, Ita halo servisu ida ne’e la ba ita nia an rasik, la ba membru governu sira seluk, la ba nonu governu nein ba partidu politiku ida, maibe ita halo servisu ba loos mai loos, tanba ne’e ita bo’ot sira akompaña iha Dili ita halo servisu ba ema hotu lei hatete servisu ne’e ba loos mai loos” informa SEATOU Germano Santa Britis Dias.
Governante ne’e haktuir grande ekipa konjunta ne’ebé estabelese atu hala’o servisu bazei ba deklretu lei ne’ebé Prezidente aprova ona.
“Ekipa konjunta bo’ot ida ne’e, liñas ministeriais husi MPRM, Timor Gap, protesaun sivil, Ministeriu interior, Obras publiku, MAE tama hotu iha ekipa konjunta ida ne’e maka ita atu halo servisu iha teritoriu tomak, tinan kotuk ita mai hala’o hela iha Suai Villa depois ohin Ita kontinua fali iha ne’e” Germano relata.
Enkuantu Germano klarifikasi katak SEATOU nia prezensa la’os ameasas Komunidade sira, la atu duni komunidade ho Forsa no polisia uza arma maibe kumpre lei hodi halo dezenvolvimentu iha Timor Leste.
Jornalista : Julio Salinas
Editor : Chamot Nahac
