Desimina saun ne’e hala’o ba Xefe suku no Administrador Postu Administrativu sira, liña ministeriais, inklui Polisia eskuadra sira atu bele intende didiak konteudu husi dekretu lei ijene no ordem publiku no mos dekretu konaba lisensiamentu mensazen publisitariu atu sira implementa no halo fiskalizasaun iha nivel munisipiu no fo knar ne’ebe forsa ba autoridade sira bele organiza sidade urbana iha kapital Covalima.
“dezamina informasaun ne’e, dekretu lei sira ne’ebe mak fo knar ne’ebé mak forsa ba autoridade munisipiu ho autoridade polisial sira para hodi implementa lei hirak ne’e hodi organiza sidade urbana iha kapital munisipiu, dekretu lei sira ne’e ko’alia konaba bandu komunidade sira halu uma iha baleta leten, iha trotoal leten, bandu komunidade sira hakiak animal iha estrada publiku, bandu mos soe lisu arbiru iha kolker fatin, bandu mos atu halo uma iha mota no tasi ninin” esplika Diretór Nasional Ijine Ordem Publiku-MAE, Egas Jose Caetano.
Diretór Servisu Munisipal Agua no Saneamentu, Angelino Henrique, hatete sei hahu implementa iha fulan juñu, ne’ebe sei halo uluk sosializasaun ba komunidade sira iha nivel postu to’o suku konaba dekretu lei ijene no ordem publika no mos dekretu lei konaba lisensiamentu mensazen publisitariu, atu komunidade sira bele hatene konaba konteudu lei refere molok autoridade sira halo asaun ka implentasaun ba lei ne’e.
“ita sei implementa liu liu iha suku debos hanesan kapital munisipiu, depois mos iha suku suai loro, kamanasa, Labarai no Beko, no sei ba to’o iha postu, agora dadaun ita planu hela iha fulan junu ita bele implementa ona, ita mos sei halo sosializasaun ba komunidade sira atu bele hatene ona molok auttoridade sira implementa lei ne’e” dehan Diretór Servisu Munisipal Agua no Saneamentu, Angelino Henrique.
Atividade Desiminasaun dekretu lei konaba Ordem publiku no Ijene no mos Lisensiamentu Mensazen Publisitariu ne’e Realiza iha Salaun Administrasaun Munisipiu Covalima, hodi hakbit knar hasa’e intendementu ba autoridade munisipal sira hodi bele halo fiskalizasaun no implementa sidade urbana iha kapital munisipiu covalima.
Jornlista : Moichung
Editor : Chamot Nahac
