Covalima (RCCT) 31-01-25 Sekretaria Estadu Arte no Kultura (SEAK ) Observa direita sentru soru tais iha Suku Suai Loro Posto Administrativu Suai Munisipiu Covalima
SEAK Jorge Soares Cristovão hatete tais nudar identidade timor nian ne’ebé rejista nudar patrimonia mundial. Governante ne’e dehan sei estabelese rede soru na’in no loja ba soru na’in sira atu rai sira nia obra ne’ebé produz ona.
“Ita atu estabelese sentru ba redi soru na’in sira nian atu halo sira nia atividade, atu halo mos loja soru na’in ida iha ne’e atu nune’e obras ne’ebé mak durante grupu sira iha Munisipi Covalima produs ida ne’e mak sei sai sentru konsentrasaun ida ba sira nia obra” SEAK Jorge Soares Cristovão informa.
Jorge Soares Cristovão mos observa hodi hare kondisaun uma ba soru na’in sira ne’ebé harii ona iha suku suai loro, no sei kopera ho autoridade munispiu covalima no parseiru hodi hadi’ak liu tan kondisaun ba soru na’in sira iha Covalima.
“ Uma ne’e. Ha’u hanoin kondisaun di’ak hela ita persiza deit buat balu mak udan been balu sei tun mai, ita sei servisu hamutuk ho ita nia parseiru sira para atu aselera, depois ami sei kordena para atu hare ida ne’e, atensaun tomak mos husi ita nia Autoridade Munisipiu no Autoridade Postu no Autoridade Lokal sira ne’e tau atensaun ba ida ne’e, atu nune’e atividade rede soru na’in halo bele la’o ho hakmatek no di’ak, atu nune’e loja ida ne’e rasik ema hotu bele Kuñese” Hatutan Jorge Soares Cristovão
Governante ne’e agradese ba Autoridade Covalima no Parseiru UN Womena ne’ebé iha protidaun atu apoiu grupu rede soru na’in iha Munisipiu Covalima.
Entretantu Membru Grupu Soru na’in ne’ebé estabelese ona iha Munisipiu Covalima hamotuk 260 ne’ebé organizadu ona iha Rede Soru na’in.
Jornalista : Alfredo Barreto
Editor : Chamot Nahac
