Reprezenta Komisaun Organizador, Norberto Oliveira Lino, hateten eventu realiza tanba inisiativa husi joventude sira, hanesan preparasaun ba kadernizasaun foinsa’e sira atu dezenvolve koñesimentu hodi antiji futuru ida ne’ebé d’iak liu.
“Programa ne’ebé mak ami hala’o iha iha Kapela Salele bo’ot “rayon B” ninian bazeia ba preparasaun eventu paskua ninian, programa ne’e ami hala’o aktividades rua kompetisaun le bibilia ho kompetisaun Sertame Bibilia, iha programa rua ne’e inisiativa husi joventude no foinsa’e, Intelektual oan sira ho inisiativa kria programa ne‘e oinsa hare konsdisaun realidade iha Rayon B ninian katak Fonsa’e sira presiza duni Edukasaun Naun formal oinsa atu Aprende di’ak liu tan iha fatin hotu hotu para atu dezenvolve foinsa’e sira nia koñesimentu ba futuru Di’ak liu tan no Objetivu husi Programa ne’e mak oinsa promove nafatin ita nia foinsa’e sira atu sira bele sai ema ne’ebé mak famozu tebes iha futuru atu sira nia ispiritu vontade atu aprende ne’e ba sira labaruk tanba iha ona programa no aktividade barak, signifika katak husi programa sira ne’e halo sira espiritu kompetisaun ne’e atu aprende di’ak liu tan, tanba sira nia nivel ida kompete ne’e iha ona katak oinsa mak ami atu aprende sai ema ne’ebé maka promove ami ba futuru sai ema famozu, signifika katak ami mos lakoi lakon ho ema seluk iha ita nia nasaun Timor-Leste, nivel Munisipiu no nivel Nasional” Norberto Oliveira Lino, esplika
Norberto afirma katak foinsa’e sira mak pilar ida importante iha dezenvolvimentu Nasaional, tan ne’e persija aprende barak hodi prepara futuru ida ne’ebé nabilan.
“Nasaun ne’e presiza tebes foinsae sira atu aprende ba futuru tanba sira mak sai hanesan airin ou pilar ba dezenvolvimentu iha Nasaun no igreja, tanba ida ne’e husi igreja mos presiza sira no husi nasaun mos presiza labarik foinsa’e sira, no programa ida n’ee nia benifisiu iha loron ikus ita bele senti katak oinsa labarik sira nia talentu ba dezenvolvimentu iha Setor oioin iha ita bele hare husi parte sira hanesan ne’e, ha’u hanoin ida ne’e mak ami nia programa iha tempu paskua ninian” Tenik nia
Leticia Mei Madeira Moniz Amaral, Nudar Manan na’in dahuluk iha Kompetisaun Le Biblia, Senti kontenti ho programa ne’e tanba bele motiva no muda nia mentalidade hodi bele le maromak nia liafuan no bele kaderniza nia an husi agora ba futuru ida di’ak liu.
“Hau Senti kontenti ho kompetisaun ida ne’e, tanba bele motiva ha’u nia an hodi muda ha’u nia mentalidade, ha’u bele le maromak nia liafuan ho di’ak no bele kaderniza ha’u husi agora ba futuru di’ak liu, obrigadu tanba ha’u mak menan na’in primeiru lugar iha kompetisaun ne’e” Leticia espresa.
Entretaun Aktividades ne’e hala’o iha Kapela Santa Maria Maromak nia Inan, iha Salele Bo’ot hetan partisipa husi saranai Aldeia Wetaba, Aldeia Ai-oan, no Aldeia Salele Bo’ot no Kompetisaun ba Sertame Bibilia sei realiza iha loron domingo Semana ne’e.
Jornalista: Moichung
