Covalima (RCCT) 28-10-23–Atual Xefe Suku Kamenasa, Samuel Barros husik hela mensazen ikus iha nia mandatu durante tinan 7 nia laran ba komunidade kamenasa atu nafatin kolabora ho Xefe Eleito iha Eleisaun Suku Tinan ida ne’e atu hamotuk nafatin dezenvolve Kamenasa sai suku ida ne’ebé saudavel.
Samuel Barros mos husu ba kandidatu Xefe Kamenasa hamotuk na’in neen kaik eleitu atu nafatin kria amizade no kontinua kolabora ho komunidade sira lori Suku Kamensa sai avansadu iha area hotu.
“Relasiona ho ha’unia mandatu atu hotu, ha’unia mensazen ikus liu maka ba oin, xefe Suku eleitu ne’ebé iha, ita tenki kolabora ho nia, servisu hamotuk para lori hadi’a suku kamensa ne’e ba oin diak liu tan, karik ida ne’ebé mak manan, ita tenki kria suku ida ne’ebé mak saudavel, amizade iha suku laran.” Samuel Barros fo nia Mensazen.
Nia mos husu ba Kandidatu Xefe suku ida ne’ebé eleitu atu labele haketek simpatizante no kandidatu Suku ida ne’ebé derota iha eleisaun suku ne’e.
“ Ba Kadidatu Xefe na’in neen, karik ida mak eleitu, ne’e na’in lima seluk mos eleitu hotu, tanba ida ne’ebé mak eleitu tenki hakohak sira nain lima seluk no mos labele haketak simpatizante no kandidatu ne’ebé mak derota iha eleisaun suku ida ne’e” tenik nia.
Engkuantu Kandidatu Xefe Suku Kamenasa Herminio Silva dehan, nudar Ema Kamenasa, nafatin kopera kandidadu sira seluk hodi hadia suku kamensa, no nia dehan, karik eleitu mak sei tau prioridade hodi hadi’a uluk setor agrikultor no mos sei hadi’a juven sira nia mos ne’ebé sei helik iha dezempregu nia let.
“Maske ha’ula eleito ba loron ida ohin, ha’unudar kamenasa oan prontu para atu kolabora nafatin iha kolker tempu, maibe se karik povu kamanesa fo fiar no hili duni ha’umak ha’umos pronto kolker tempu atu hadia vida agrikultor no hadia juventude sira nia moris, ita hare Suku ida ne’e juventude dezempregu ne’e sei barak tebes” Dehan Kandidatu Xefe Kamenasa Herminio da Silva
Iha eleisaun ba Orgaun suku iha Kamenasa iha Kandidatu Xefe Suku hamotuk na’in neen kompostu husi mane ema nain lima no feto na’in ida, Ana Maria Pereira, Rosito Monis, Fernando Noronha, Adelino Relvas, Herminio da Silva no Emelito do Nascimento.
Jornalista : Julio Salinas
Editor : Chamot Nahac
