Membru governu da sia, Domingos Lopes Lemos, dehan hapara korente voluntariu nune’e labele iha voluntariu siluman sira ne’ebe kada tinan ijiji sira nia direitu nudar manorin na’in.

“diretór eskola sira fabor ida hapara profesor voluntariu, fabor ida hapara ona ba tanba primeiru nia mai aprezenta an hodi dehan hakarak voluntariu loos de’it la presija imi fo buat ida, tenke halo deklarasaun ikus mai ha’u labele ejiji, komesa hanorin to’o tinan ida ba leten nia komesa hakilar ona ba iha ministeriu edukasaun nusa maka ha’u hanorin k’leur ona, imi labele propoin ha’u nia naran, bainhira iha edukasaun munisipiu labele halo buat ida, nia bele ba to’o iha Munisteriu Edukasaun ba ejiji nia direitu tanba ida ne’e maka fabor ida korente voluntariu ne’e hapara ona para labele iha tan voluntariu siluman” deklara Sekretariu Estadu Ensino Sekundariu Geral no Ensinu Sekundariu Tekniku Vokasional, Domingos Lopes Lemos, liu husi nia intervensaun iha serimonia tomada pose ba profesor ingresu espesial no rejime kareira dosente hamutuk ema na’in-286 iha Munisipiu Covalima, Sabadu (13/04).

Sekretariu Estadu Ensino Sekundariu Geral no Ensinu Sekundariu Tekniku Vokasional, Domingos Lopes Lemos, haktuir kuandu diretór eskola sira kontinua simu profesor voluntariu maka profesor permanente sira sai baruk hanorin no fo servisu ba Ministeriu Edukasaun kada tinan resolve deit mak profesor voluntariu.

“Kuandu imi sei kontratu hela, profesor permanente sira hanorin, hanorin to’o baruk foti $ 50 fo voluntariu sira maka hanorin, iha Covalima la akontese maibe iha munisipiu balu akontese, ho buat sira ne’e hotu saida maka akontese iha ita nia rain no saida maka akontese iha Ministeriu Edukasaun kria voluntariu iha ME rasik” nia dehan.

Enteratntu Sekretariu Estadu Ensino Sekundariu Geral no Ensinu Sekundariu Tekniku Vokasional, Domingos Lopes Lemos, hato’o deklarasaun ida ne’e ho objetivu ida hakarak ajuda Ministeriu Edukasaun hodi labele kria tan problema liliu konaba profesor voluntariu iha Timor-Leste.

Jornalista : Julio Salinas

Editor         : Chamot Nahac