Iha Focus Group Discussion (FGD) Indonesia-Timor Leste ne’e ko’alia liu konaba koopersaun servisu ligadu ho atividade importasaun no exportasaun merkaduria iha fronteira.
Nune’e Diretór Relasaun Internasional no Komunikasaun Rui Manuel Freitas orgullu ho rezultadu husi FGD, tanba desde tinan 2021-2023 estabelese ona akordu bilateral entre Timor Leste no Indonesia, atu hodi hare liu sinerzia no kolabarasaun, partikularmente iha area fronteira.
“Ita akordu hamotuk ona, atu kontinua haforsa koperasaun ida ne’ebe di’ak liu, tanba ne’e mos parte ida hametin amigo di’ak entre Timor Leste no Indonesia” Diretór Relasaun Internasional no Komunikasaun Rui Manuel Freitas.
Nia dehan, em-prinsipiu ho prezensa iha FGD atu hetan pontu pozitivu hodi kontinua hametin kooperasaun iha area fronteira.
Salienta mos husi Diretóra Relasaun Internasional, Beacukai Indonesia, Anita Iskandar, saran konaba tenki iha kotinuasaun ba setor ekonomia, liu liu ba atividade importasaun no exportasaun merkaduria husi nasaun rua (Timor Leste-Indonesia).
“Ita sei kontinua konstrui fraternidade entre Timor Leste no Indonesia” nia dehan ho lian indonesia.
Diretóra Anita Iskandar, rekuñese durante ne’e kooperasaun internasional entre nasaun vizinu (RI-TL) ne’e, amigavel, basa servisu hamotuk entre Beacukai Indonesia no Alfandega Timor Leste iha area fornteira durante ne’e la’o di’ak tebes,
Engkuantu estabelese ona Memorandum of Understanding “MOU” ne’e iha loron 27 fulan Abril 2021 entre Beacukai Indonesia no Autoridade Aduaneiru Timor Leste. Ne’ebé validu mos nudar Sombra/mahon ou guarda-Chuva entre rai rua ne’e hodi kontinua hala’o programa hirak ne’ebé durante ne’e la’o ona.
Reportazen RCCT
