Reprezentante Rotary Helping Timor and friends, Judite Marcelina. Martins hateten ho Apoi ne’e oinsa bele responde ba nesesidade familia Vuneravel sira nian hodi garantia moris loro loron. Nia mos dehan apoiu ne’e realiza tanba depois hare notisia husi RCCT iha edisaun loron 7 fulan junu foin lalais.

“Hanesan liman ain husi parte Rotarian nian, entaun liu husi video balun ha’u hare, ha’u hakarak rona direita entaun ami mai lori buat ituan atu oferese ba Rudi ho nia familia hahan ituan ho toba fatin ropa ituan ho sasan dapur ninian depois ami mos hetan ajuda ituan husi Rotarian iha klub balun ne’ebé ajuda biskleta ida ne’e no ha’u mak hanesan halo distribuisaun ba Biskleta ba estudante sira ne’ebé la’o dok entaun iha iha biskleta ida ne’ebé ami ofrese espesial ba Rudi tanba ha’u rona katak nia halo aktividades balun ne’ebé mak hodi ajuda familia entaun espera katak ajuda ida ne’e bele ajuda Rudi halo K’man ain halo besik distansia ne’ebé Rudi baibain hala’o ba no Rudi nia bin mos bele uja hodi halo Kaman ain ba eskola” Judite M. Martins Esplika iha Rude nia uma (19/06)

Iha fatin hanesan Administrador Postu Administrativu (APA) Suai, Ildefonso Maria Amaral, agradese ba ekipa Rotarian Lafaek Dili ne’ebé bele apoiu ona nia komunidade sira, no sei esforsu atu alista tuir familia vuneravel sira atu bele hetan tulun husi Parte Guvernu no ONG sira hotu.

“Obrigadu wa’in tebes ba Rotarian klub hetan video ida ne’ebé lansa husi Radio Comunidade Cova Taroman iha ne’eba iha ne’eba Rotary Club of Dili Lafaek sira hetan video ida ne’e ho ida ne’e mak ohin sira tun mai direita hodi apoiu ba familia vuneravel nain hat liuliu ba ita nia alin Rude ne’ebé iha video ida ne’e sira mos tuir sira nia sentimentu ne’ebé nudar humanu sira mos hakarak fo sira nia kontribuisaun ba familia vuneravel iha suku debos aldeia lakonak besik, ha’u hanesan Administrador Postu nafatin kordena kolabora atu nune’e ba oin ita bele servisu di’ak liu tan hodi apoiu ita nia familia vuneravel ne’ebé durante ne’e balu hetan ona subsidi husi parte Guvernu no balu ate agora seidauk hetan tulun ka apoiu ruman husi parte Guvernu, nudar Administrador Postu mos sei esforsu hare lista ne’ebé ha’u nia suku sira foti atu nune’e sira mos bele hetan subsidi liu husi bolsa da maen ka bolsa ba ema sira ne’ebe difisiente” Dehan APA Suai.

Entretantu atividade ne’e realiza tanba iha kopersaun di’ak hodi halo Mobilizasaun sasan husi Dili mai suai hetan apoiu trasporte husi Senor Jacinto Rigoberto, nune’e mos iha distribuisaun apoiu ba Rude no Familia inklui familia vulneravel nai’n tolu seluk iha Suku debos Aldeia Lakonak Besik ne’e hetan tulun transporte husi Autoridade Protesaun Sivil Munisipiu Covalima, Servisu Munisipal Protesaun Civil no Jestaun Dezastre Naturais Covalima, Kareta ida mos husi Membru Tactical Team Covalima Sr. Nikolau, no ekipa distribuisaun kompostu husi voluntariu RCCT, Autoridade Munisipiu Covalima hanesan Diretór Logistik, Diretór Ajensia Fiskalizasaun, Administrador Postu Administrador suai, Pontu Fokal Sekretariu Estadu Dezenvolvimentu Lokal destakada iha Suai, no ekipa RACCOV, reprezentante Rotary Club of Dili Lafaek.

Jornalista: Moichung

Editor      : Chamot Nahac