Covalima (RCCT)-25-03-2021 Raes Hadomi Timor Oan (RHTO) liu husi karta pedidu nebe Servisu Solidariedade Sosiál e Inklusaun iha Munisipio Covalima hetan apoio fos sakas 81 hodi tulun ema ho Difisiensia sira nebe dadaun ne’e infrenta menus ai han iha Munisipio Covalima.
Ba Jornalista RCCT Field Officer RHTO iha Munisipio Covalima Honorio Gusmão hateten, hare ba situsasaun Pandemia Covid 19 hanesan dezastre ida, tanba ne’e konsidera ema ho difisiensia maka difisil liu atu buka aihan, duke ema ho la difisiensia, tanba ne’e RHTO halo karta pedidu ba MSSI iha Munisipio Covalima par abele hetan apoio fos hodi bele fali ema ho difisiensia sira .
“ Ita hare ba situasaun ida ne’e, ita bele dehan Covid 19 ne’e hanesan dezastre bo’ot ida ba ita, entaun iha situasaun ida ne’e ema ho difisiensia maka difisil liu duke ema la ho difisiensia, tanba ne’e maka ami aproveita iha situasaun ida ne’e hodi halo karta pedidu ba MSSI iha Covalima, hodi nune’e ita nia maluk difisiensia mos bele hetan ai-han ruma ” Honorio Gusmão dehan ba Jornalista RCCT iha Suku Ogues Aldeia Maligirik.
Honorio Gusmão informa, Dadus ema ho difisiensia nebe RHTO rekolha iha munisipio Covalima, ba dadaun ne’e hamutuk ema na’in 305, maibe fos nebe MSSI-Covalima apoio ba deit ema na’in 81 tanba stock Fos la iha, tanba ne’e Honorio promote ba maluk difisiensia sira iha posto seluk nebe seidauk simu, ba futuru sei distribui bainhira fos mai husi nasional.
“ Dadus nebe maka ami rekolha ona iha Posto Administrativo hitu, dadus ne’e balun ami identifika rasik, no balu ami foti husi Autoridade Lokal sira ho Parseiru sira, nebe agora dadaun dadaus iha ami hamutuk 305 pessoas, maibe ita nia MSSI iha Covalima aprova deit ema nain 81 tamba Stock Fos la iha, tanba ne’e restu nebe seidauk simu, iha futuru sei kontinua simu bainhira Fos ne’e mai ” Honorio Gusmão informa.
Liga ho apoio Fos nebe RHTO hetan husi MSSI-Covalima maka Quinta Feira (25-03-21) Ekipa RHTO fulun ona ema ho difisiensia hamotuk na’in 20 iha Suco Ogues.
Tanba ne’e Xefe Suku Ogues Faustino de Araujo Agradese ba RHTO ho MSSI Covalima tamba bele apoio ona aihan ba komunidade sira nebe moris hokondisaun difisiensia hamotuk ema na’in 20 iha iha Suco Egues.
“Agradese ba RHTO nebe servisu hamutuk ho MSSI iha Covalima, hodi fo ajuda aihan ba ha’u nia reino sira ne’ebe maka ho Difisiensia hamutuk na’in 20 iha ha’u nia suku rasik, no ha’u mos orgulho ho sira nia plano ou actividades ne’ebe maka sira agora hala’o hela ” katak Xefe Suco Faustino
Jornlaista : Tynho Gusmão
Editor : Chamot Nahac
