DILI, 07 Abríl 2025-Prezidente Repúblika (PR), José Ramos-Horta konvoka reuniaun Konsellu Superiór Defeza no Seguransa hodi diskute ajenda importante ida maka atu reforsa kontrolu bá utilizasaun arma ho munisoens hosi instituisaun defeza no seguransa.
Primeiru-Ministru (PM), Kay Rala Xanana Gusmão partisipa mós iha reuniaun nível a’as ne’ebé hala’o iha Palásiu Governu, Bairru-Pité, segunda (07/04/2025).
RCCT sita husi Publikasaun (Média-GPM), Portavós Konsellu Superiór bá Defeza no Seguransa, João Aparicio Guterres relata, Prezidente Repúblika konvoka membru sira Konsellu Superior Defeza no seguransa ho ajenda ida atu haree hamutuk knaar esensiál hosi instituisaun Estadu nian hanesan FALINTIL-Forsa Defeza Timor-Leste (F-FDTL), Polísia Nasionál Timor-Leste (PNTL) no Polísia Siéntifiku Investigasaun Kriminál (PSIK) kona-bá kontrolu armamentu no monisoens.
“𝐈𝐡𝐚 𝐩𝐚𝐫𝐭𝐞 𝐢𝐝𝐚 𝐚𝐭𝐮 𝐡𝐚𝐦𝐞𝐭𝐢𝐧 𝐝𝐢’𝐚𝐤 𝐥𝐢𝐮–𝐭𝐚́𝐧 𝐤𝐚𝐩𝐚𝐬𝐢𝐝𝐚𝐝𝐞 𝐡𝐨𝐝𝐢 𝐠𝐚𝐫𝐚𝐧𝐭𝐞 𝐩𝐚́𝐳, 𝐬𝐞𝐠𝐮𝐫𝐚𝐧𝐬𝐚 𝐧𝐨 𝐞𝐬𝐭𝐚𝐛𝐢𝐥𝐢𝐝𝐚𝐝𝐞 𝐢𝐡𝐚 𝐫𝐚𝐢–𝐥𝐚𝐫𝐚𝐧,” Portavós João Aparicio Guterres hateten, iha Palásiu Prezidensiál Nicolau Lobato, Bairru-Pité, segunda (07/04/2025).
Alende ne’e, atu garante seguransa bá populasaun, mantein órdem públika iha Timor-Leste no partisipasaun ativa hosi sidadaun hotu-hotu bá seguransa nasionál.
“𝐍𝐞’𝐞 𝐝𝐮𝐧𝐢 𝐚𝐬𝐩𝐞𝐢𝐭𝐮 𝐢𝐦𝐩𝐨𝐫𝐭𝐚𝐧𝐭𝐞 𝐥𝐢𝐮 𝐢𝐡𝐚 𝐫𝐞𝐮𝐧𝐢𝐚𝐮𝐧 𝐧𝐞’𝐞 𝐦𝐚𝐤𝐚 𝐤𝐨’𝐚𝐥𝐢𝐚 𝐤𝐨𝐧𝐚-𝐛𝐚́ 𝐤𝐨𝐧𝐭𝐫𝐨𝐥𝐮 𝐫𝐢𝐠𝐨𝐫𝐨𝐳𝐮 𝐭𝐞𝐛𝐞𝐬 𝐬𝐨𝐛𝐫𝐞 𝐮𝐳𝐮 𝐚𝐫𝐦𝐚 𝐧𝐨 𝐤𝐨𝐨𝐫𝐝𝐞𝐧𝐚𝐬𝐚𝐮𝐧 𝐧𝐢́𝐯𝐞𝐥 𝐚’𝐚𝐬,” Portavós ne’e hateten.
Iha okaziaun ne’e ko’alia mós kona-bá treinamentu no kapasitasaun instituisaun tolu ne’e nian, liu-liu disiplina ho étika bainhira utiliza kilat.
Source (Média-GPM)
