Covalima (RCCT) 26-05-25-Liu husi Reuniaun Konsellu Konsultivu Munisipal (KKM) Autoridade Covalima halo ona validasaun ba projetu Planu Dezenvolvimentu Integradu Munisipal (PDIM) 2026 hamutuk 34.
Prezidente Autoridade Munisipiu (PAM) Covalima Miguel Armada Cardoso “Razão” hatete projetu hirak ne’eidentifika husi Suku no Aldeia, iha ne’ebe hahu taes to’o Asemblea Postu Administrativu (ASPA) hafoin halo diskusaun nivel munisipal iha KKM.
“Ohin loron realiza reuniaun Konsellu Konsultivu Munisipal (KKM) ne’ebé partisipa husi hotu-hotu, mai husi parte igreja veteranu, partidu politik sira hanaran membru designadu, ita iha 51 pesoas ne’ebé maka tama membru, ne’ebé ohin loron partisipa iha ema na’in-31, ne’e defini konaba projetu sira iha PDIM no projetu PNDS nian, iha projetu PDIM ita identifika 34, ne’ebé ta’es husi suku, mai iha ASPA mai fali iha reuniaun Konsellu Koordenasaun Munisipal ne’ebé halo tiha Matrix mos halo tiha feramentu maka ohin loron ita deside katak atu hetan validasaun husi reuniaun konsellu konsultivu munisipal” informa Prezidente Autoridade Munisipiu (PAM) Covalima Miguel Armada Cardoso “Razão” ba jornalista hafoin remata reuniaun KKM ne’ebé hala’o iha Salaun enkontru Administrasaun Munisipiu Covalima.
Fatin hanesan Prezidente Asemblea Kamra Komersiu Industria (CCI-Sigla Portugues) Munisipiu Covalima Augosto Hendrigue, deklrasa partsipa iha reuniaun Konsellu Konsultivu Munisipal (KKM) ne’e atu kontribui ideias hodi halo aprovasaun ba orsamentu ne’ebé bele fo benefisiu ba povu Covalima.
“Partisipa iha reuniaun KKM fo opiniaun no halo aprovasaun rezultadu husi komisaun koordenasaun ne’ebé prosesu husi suku mai postu no ohin loron ami mai halo aprovasaun, ne’ebé ita nia partisipasaun ne’e halo kontribui ita nia ideias, ita nia debate ne’ebé kualidade maibe hanesan ohin ita observa katak iha buat balu mos presija justifika liu husi prosesu balu involve CCI atu bele foti desizaun iha prosesu balu, ita nia partisipasaun la’os ita mai atu diskute, maibe ita nia observasaun oinsa maka ita aprova orsamentu ida ne’e ba 2026, ita Kamra Komersiu Industria (CCI) nia intensaun ne’e hakarak involve iha laran para observa hamutuk iha reuniaun KKM ida ne’e, ita hotu konkorda ho ajenda uniku katak povu moris di’ak, benefisariu politika dekretu lei diploma ho despaisu ne’e bele fo benefisiu ba komunidade em jeral iha Covalima” deklara Prezidente Asembleia Kamra Komersiu Industria (CCI-sigla Portugues) Munisipiu Covalima Augosto Hendrigue.
Enkuantu reuniaun Konsellu Konsultivu Munisipal (KKM) ne’e prezide husi Prezidente Autoridade Munisipiu (PAM) Covalima Miguel Armada Cardoso “Razão” Sekretariu Munisipal Planeamentu Investimentu no Dezenvolvimentu Integradu (PIDI) Caetano dos Santos Ribeiro, Diretór Servisu Munisipal sira, Veteranu Covalima, Kamra Komersiu Industria Munisipiu Covalima, Xefe Suku sira inklui reprezenta partidu politiku sira.
sira hotu partisipa artinya reuniaun ida ne’e foti desizaun jiketivu lais desizaun ema ida nian ne’e lae, tanba ida ne’e maka ohin loron ita hala’o tiha, alende PDIM ita mos iha PNDS identifika mos husi suku, husi aldeia identifika ona iha projetu ne’ebe ita propoin ba iha 64, katak Projetu 64 ne’e maka defini ona husi aldeia, suku mai to’o postu ida ne’e maka PNDS sira attu hala’o”
Jornalista : Julio Salinas
Editor : Chamot Nahac
