Covalima (RCCT) 25-07-24-Haree ba
kazu violensia fiziku no violensia sexual as iha Covalima, Sekretariu Estadu
Igueldade (SEI) hamutuk ho parseiru sira hanesan, PNTL, Paradet no Uma Mahon
kontinua Sosializa programa kona ba
igualdade Jeneru no Violensia Bazeia ba Jeneru ba estudante sira iha Postu
Administrativu Suai.
Pontu Fokal SEI Munisipiu
Covalima Francisco Trannjanos G. de Araujo, esplika durante fulan 6 nia laran
hahu husi fulan Janeiru to’o Junu 2024, simu dadus husi parseiru sira hatudu
katak numeru kazu violensia fiziku no violensia sexual hamutuk 60 iha Munisipiu
Covalima.
“Sosializasaun ida nee
ita Hanlon hanesan atividade SEI nian no atividade hanesan nee la’os foin halo
ba tinan ida ne’e maibe arividade ida ne’e ita halo kada tinan, tanba nee
bazeia ba dadus neebe maka ami hatete katak ba tinan ida ne’e iha Covalima
total kazu hamutuk-60 hahu husi fulan Janeiru too Junu 2024 nian no tipu kazu
sira nee as liu maka violensia fizika no violensia sexual, tanba nee maka
importante tebes SEI atu kontinua nafatin servisu hamutuk ho parseiru sira iha
Covalima atu nafatin kontinua Sosializa informasaun ida nee, no ba iha
trimestral datoluk ida ne’e ita foka ba alin estudante sira, atu nunee ho
informasaun sira nee alin estudante sira hetan nee atu bele hasae sira nia
konesimentu nunee sira fila karik halo kontribuisaun ba iha sira nia familia,
ba iha komunidade no mos ba iha sosiedade sira, no liu husi sosializasaun ida
nee bele muda ona ema nia hanoin no attitude no liu husibsosializasaun nee bele
hasae ema nia konesimentu oinsa maka sira atu bele pratika iha sira nia moris
bainhira problema mosu bele hadi’a iha sira nia Komunikasaun atu labele uza
violensia hanesan solusaun ba priblema” nia dehan ba jornalista
sira hafoin hala’o sosializasaun ba Igueldade Jeneru no Violensia Bazeia ba
Jeneru ba estudante sira ne’ebe hala’o
iha Salaun enkontru Administrasaun Postu Administrativu Suai, Kinta (25/07).
Administrador Postu
Administrativu (APA) Suai, Ildefonso Maria Amaral, husu ba estudante sira ne’ebe
partisipa iha fromasaun ne’e atu intende didiak nune’e bele iha kuñesimentu Igulalidade Jeneru no Violensia bazea ba
jeneru.
“Sosializasaun ba
autoridade iha munisipiu SEI mos kobre ona postu administrativu 7, ba mos
lideransa komunitaria inklui mos ba ita nia maun sira ne’ebe oras nee hela iha
komarka mos dala ruma SEI hakat ain hodi ba fahe informasaun kona-ba igualdade
Jeneru no Violensia Bazeia ba Jeneru no ohin nafatin kontinua atu fahe
informasaun liliu ba hau nia alin estudante sira, tanba sa sira nafatin
sosializa no desimina informasaun ida nee, tanba tuir grafiku kazu iha Covalima
sae ba 60, maibe tuir loloos nee laos kazu 60 nee deit sei liu tan, tanba balu
tauk atu hatoo keisa no balu moe atu hatoo keisa ho ida nee maka tuir rejistu
ne’ebe sira ba hatoo keisa iha VPU, Pradet no uma Mahon ho total rejista kazu
hamutuk 60 nee, tanba nee liu husi sosializasaun ida nee alin estudante sira
atu intende didiak karik la komprende lalika atu husu tanba ita nia orador sira
nee mesak Suai oan, no Covalima oan de’it” dehan APA Suai.
Enkuantu sosializasaun ho topiku
igualdade eneru no Violensia Bazeia ba Jeneru ne’e hala’o iha salaun enkontru
Administrasaun Postu Administrativu Suai, no hetan partisipasaun husi husi
Administradór Postu Administrativu Suai, Reprezenta Komandante PNTL Munisipiu
Covalima, no estudante sira husi Eskola Sekundaria Geral Publika Suai, Eskola
Sekundaria Catolika Ave Maria Suai, Eskola Tekniku Vokasional Akar Laran no
Eskola Tekniku Vokasional Cristal Suai.
Jornalista : Julio Salinas
Editor : Chamot Nahac
