.png)
Covalima (RCCT) 07-12-23–Emprezariu Timor Oan “Mauhoka” liu husi nia kompaña Rudal 9784 no mos kompaña Pertamina Internasional Apoiu Banda Musika Setembru Negro halo konsertu iha Covalima hodi komemora loron invasaun indonesia mai timor leste ba dala 48.
Nune’e Ko’alia ba Jornalista sira, Kordenador Banda Musika Setembru Negro Carlos dos Santos Dehan, Aleinde hetan apoiu orsamentu husi kompaña Internasional Pertamina no Rudal 9784 , Banda Setembru Negro hetan mos Apoiu moral husi Administrasaun Munisipiu Covalima hodi bele realiza eventu konsertu musika ne’e.
“Apoiu ne’ebé mak ami hetan, mai husi Apa Mauhoka Seribu ($ 1.000) husi Pertamina Internasional iha Timor hamotuk lima ratus ($500) apoiu ba ami nia Banda hodi hala’o aktividade, agradese mos ba Administrasaun Munisipiu Covalima, Liu Administrador Covalima Francisco de Andrade ne’ebé fo Apoiu Moral mai Banda Setembru Negro, Agradese mos ba Iha Almamor ne’ebé Apoiu Ami hala’o konsertu ne’ebé realiza iha 7 de Dezembru kalan ne’e. maski orsamentu ne’ebé ami hetan ne’e ki’ik maibe ami nudar juventude Covalima ami sei hala’o nafatin atu hodi promove juventude sira nia talenta ne’ebé mak sira iha liu husi arte no kultura, liu liu halai ba banda musika” Esplika Kordenador Banda Setembru Negro, Carlos dos Santos ba RCCT iha ambito konsertu musika hodi komemora loron invazaun ba dala 48 ne’ebé realiza iha Kampu Ladi Suai.
Agustinho Delima Senti kontenti tanba tinan ida ne’e Banda Covalima nia rasik bele Anima komunidade liu liu Juventude sira iha Covalima, nune’e nia nafatin husu ba Autoridade sira atu bele kontinua kria atividade animasaun hodi bele festeza covalima no lori juventude sira ba ambiente ida ne’ebé amigavel.
“ho Eventu ne’ebé realiza hatudu katak fo kontenti mai ami povu Covalima, tanba durante ne’e nunka realiza eventu ida hanesan ne’e, foin mak komemora loron 7 fulan dezembru ba dala 48 ne’e mak foin realiza eventu ida hanesan ne’e. Ami hakarak eventu sira hanesan ne’e realiza nafatin tinan tuir mai” Agustinho Delima espresa.
Entretantu Konsertu Kalan hodi komemora Loron Invasaun Indonesia mai Timor Leste ba dala 48 ne’e, Banda Musika Setembru Negro realiza iha Kampu Futebol Ladi, ne’ebé partisipa antisiasmu husi komunidade sira iha Munisipiu Covalima.
Jornalista : Moichung
