Covalima (RCCT) 20-04-21- Pessoal Saude iha Covalima nebe hamahan an iha Ministerio de Saude nia okos liu Asosiasaun sira mak hanesan Assosiasaun Mediku Timor Leste (AMTL),Asosiasaun Partera Timor Leste (APTL) no Assosiasaun Enfermeiros Timor Leste(AETL) iha Covalima hato’o sira nia sentimentu trieteza no Lamentasaun kona aktus nebe akontese iha dia 19 de Abril de 2021 ho Horas 18.00 lokraik iha Kuarentena Polo Suai wainhira atu halo Evakuasaun ba Pasiente Positivu Covid-19 na’in 2 iha Kuaretena Polo lori ba Fatin Izolamentu hodi hamosu desintementu to’o hakenek Mediku Nain 1
Iha Konfrensia Imprensa Posta Voz Albertina Baros De Jesus konta kronolojia tuir mai ne’e katak Iha dia 18 de Abril de 2021 ekipa vizilansia Municipio Covalima foti Amostra teste PCR ba passazeirus sira iha Kuarentena Polo hamutuk ema na’in 32 nebe kompostu husi feto 11 no mane 21 nebe hetan rezultadu teste ba ema nain 32 ne’e iha ema na’in 2 feto ida mane ida ma komfirmadu pozitivu Sars Cov -2 ka Covid-19, ho rezultadu nebe mak iha ekipa vizilansia atu komfirma lolos identidade husi pasazeirus iha Polo, Maibe estudante sira la kopera ho ekipa vizilansia hodi halibur hamutuk iha sala ida deit hodi savi odamatan husi laran hakilar dehan:
“Ami la sai,ami la fiar Pesoal Saude sira Covid ne’e bosok ten hodi sira hatudu asaun agresivu tuku tebe vidru janela nian rahun hodi kona mediku ida nebe halo hela nia kna’ar hamrik besik janela nia hun, depois rejulta mediku ne’e kanek, husi pasazerus 32 la iha argumentu hodi nonok la halo buat ida” dehan Porta Voz Albertina Baros De Jesus iha Konfrensia Imprensa nebe realiza iha Kuarentena Bairo Costa Tersa Feira (20-04)
Tamba ne’e Pessoal Saude nebe hamahon ba iha AMTL, APTL no AETL ne’e Husi Kofrensia Imprensa ne’e mak liu husi Porta Voz Dotora Albertina Baros de Jesus Kondena hahalok hahalok Brutal nebe Pratika husi Estudante Sira iha Kuarentena Polo Suai ne’e tan ne’e Porta Voz ne’e mos husu ba Parte relavante atu toma medidas hodi prosesa aktu hirak ne’e tuir lei nebe vigora.
“Dala ida tan ami sente tristi no kondena tebes hahalok brutalismu husi pasazerus ho nune’e hodi rejulta ami nia kolega kanek ho ran iha nia hasan sorin parte karuk matan okos, Ami husi AMTL,APTL no AETL sujere ba parte relevante atu nune’e toma medidas no hodi prosesa tuir lei ne’ebe vigora” Dehan Porta Voz Albertina Baros de Jesus durante Konfrensia Imprensa.
Engkuantu liu husi Konfrensia Imprensa ne’e mos Pesoal Saude sira nafatin husu ba Estudante sira atu nafatin kopera ekipa saude, Polisia no F-FDTL nune’e bele asegura komunidade sira husi Covid-19.
“Husu alin estudante sira / pasajeirus ne’ebe mak fila mai iha Munisipio Covalima atu kopera hamutuk ho parte saude ,Polisia ho F-FDTL atu nune’e ita bele asegura komunidade,ita hotu nia saude iha Munispio Covalima.” Tenik Porta Voz Albertina Baros De Jesus.
Maske nune’e Profesionais Saude sira nebe hamahon iha AMTL, APTL, AETL deklara nafatin atu sakrifika aan ho domin nebe bot atu hodi atende Estudante no komunidade sira hotu maske iha estudante balu mak halo asaun violentu hasoru Profesionais saude sira.
“Ami professionais kompostu husi AMTL, APTL, AETL seidauk hanoin at no la halo at imi, maibe tanba sa, domin ba imi no ba imi nia familia maka sakrifika ami nia an hodi atende ita bo’ot sira nune’e prevene moras at ne’e labele ami nia familia, Tamba sa imi halo Violentu hasoru ami.” Dehan Porta Voz Albertina Baros de Jesus.
Nune’e mos Profesionais Saude sira iha Covalima nafatin husu ho haraik an atu ba estudate sira hodi kopera hamutuk no husu nafatin atu asaun brutalizmu ne’e labele akontese tan ba profisional saude sira iha future.
Jornalista : Asato Soares & Aje Ferreira
Editor : Chamot Nahac.
