Prezidente Sub-KRAM Munisipiu Covalima husu ba Membru OAM no OAR hotu atu moris iha pas no dame nia laran hodi asegura festa Natal no simu tinan foun.
“Nudar Prezidente Sub-KRAM hakarak fo mensajem ba joven sira hotu ne’ebé inklina an iha OAM no OAR atu moris iha pas dame nia laran para asegura lisuk festa Natal no asgura mos iha ano novo 2024” informa Prezidente Sub-Komisaun Regilador Arte Marsiais (KRAM) Munisipiu Covalima Francisco Barros, ba jornalista RCCT iha Suku Suai Loro, Sabadu (23/12).
Iha biban ne’e Prezidente Sub-KRAM hato’o mos konaba rezolusaun governu suspende deit atividades treinamentu arte marsiais la’os suspende organizasaun.
“Iha biban ne’e atu habelar tan informasaun kona ba rezolusaun governu 2023 nian ho determina ka suspended atividade arte marsiais hodi asegura ordem publiku nian, tanba ne’e hanesan prezidente Sub-KRAM husu ba joven sira hotu ne’ebe inklina iha arte marsiais no arte ritual bele moris iha pas no dame nia laran” nia dehan.
Enkuantu Prezidente Sub-KRAM Munisipiu Covalima ne’e husu ba joventude tenke kria unidade no pas iha komunidade nia let hodi selebra Natal no tinan foun.
Jornalista : Julio Salinas
Editor : Chamot Nahac
