Covalima (RCCT) 23-02-2021- Governu Timor Leste liu husi Konselu Ministru dia 15 de Febreiru liu ba aplika serka sanitaria Municipio Covalima, hodi suspende movimentu tama no sai iha Covalima, aleinde ne’e autoridade Municipal rasik iha dia 19 de Febreiru 2021 hasai sirkular hodi suspende mos aktividade sosial sira iha covalima.
Relasiona ho desizaun ne’e Juventude Martihno Noronha dos Santos dehan hanesan Juven senti orgolhu ho desizaun ida ne’e tan ho desizaun ida ne’e bele halo propagasaun ba Covid-19 iha Covalima tanba halo baliza terrestres nebe rabat liu ho Malaka no Belu Indonesia, maibe nia dehan Governu seidauk tetu di’ak molok impelmenta Serku Sanitaria ba Municipio 2 (Covalima no Bobonaro).
“Hanesan joven ida tenke orgulu ho desizaun husi Governu Central mai to’o iha Governu Lokal tamba desizaun ida nebe mak sira foti ne’e briliante tebes ba prevensun Covid-19 nune’e labele tama mai husi Nasaun Vizinu Indonesia,ida ne’e parte pozitivu ida, no parte negativu mak Governu foti desizaun sem iha kordenasaun ho Povu ka komunidade sira, tanba lolos ne’e molok atu foti desizaun hodi halo Lockdown, presija halo uluk sosialijasaun urjenti ka emergensia ida atu nune’e povo mos hatene no iha preparasaun, hodi simu lockdown ne’e, Prepara ne’e maka saida? prepara aihan ruma karik ou prepara ba sira nia nesesidade sira seluk ne’ebé mak sira tenke prense” dehan Martinho.
Tanba ne’e Joventude / Akademista Covalima oan ne’e husu ba governu atu fo subsidiu extra ba komunidade sira iha Covalima tanba ho desizaun governu nian hodi implementa Serka Sanitaria ne’e, bele rezulta Komunidade sira labele inferenta hamlaha iha sira nia moris loro loron, tanba komunidade limitadu atu halo movimentu liu liu kona ba aktividade sosio no ekonomia iha merkaduria.
“Hanesan joven ejiji ba governu atu nune’e bele fo subsidi extra ou toma responsavelidade ba desizaun tomak nebe mak sira foti, liu liu iha Munisipiu Covalima tanba desizaun ne’e nia refleta mos ba povu bele infrenta hamlaha, tanba komunidade limitadu atu halo aktividade social, sira laiha biban atu halo movimetu ekonomia,” ” Martinho Haktenik
tanba bainhira iha tempu lockdown total hanesan ne’e movimentu sosiais, movimentu ekonomia, povu munisipiu Covalima atu ba halo aktividade ou atu ba halo aktividade social ruma ou aktividade ekonomia ho munisipiu sira seluk mos agora araska tamba povu Munispiu Covalima labele foti ain husi Munisipiu Covalima ba munisipiu sira seluk” \ Martinho haktenik
Entertanto akademista Covalima oan Martinho Noranha dos Santos, dehan wainhira Governu la toma responsablidade hodi fo subsidiu ba Komunidade sira iha Covalima, Governu bele Retira fali desizaun Serka Sanitaria, atu nune’e Komunidade sira bele halo nia atividades no bele asesu ba merkaduria hodi hatutan sira nia moris.
Jornalista :Saturnino Soares/Elio/Engky
Editor : Chamot Nahac
#Hamutuk_Ita_Luta_Kontra_COVID-19:#Uja_Maskara#Fase_Liman_Beibeik_Ho_Sabaun #Halo_Distansia_Fisiku.
