COVALIMA—-Preparasaun ba Elisaun Parlamentar (Elpar) 2023, Komisaun Nasionál ba Eleisaun (CNE-Sigla Portugés) sei halo rekrutamentu ba ofisiál hamutuk na’in-120, maibé sei hein desizaun husi nasionál.
“ Ita sei halo rekrutamentu ba ofisial supervizor eleitorál hamituk ema na’in-120 atu destaka iha sentru votasaun no estasaun votasaun sira ne’ebe sei estabelese iha covalima ba eleisaun parlamentar 2023” informa Diretór CNE Munisípiu Covalima, Hermenegildo de Sena,, ba jornalista sira iha nia kna’ar fatin CNE Covalima Tersa (24/01).
Hermengildo afirma preparasaun CNE ba eleisaun parlamentar ne’ebé atu halo rekrutamentu ba ofisiál CNE atu superziona eleisaun parlamentar tinan 2023 , maibé CNE Covalima sei hein desizaun husi nasionál.
Nia haktuir ba eleisaun parlamentar tinan ida ne’e iha Covalima sei iha sentru votasaun 100 no estasaun votusaun 120 entaun CNE laos koloka deit iha sentru votasaun, maibé sei koloka mós ba estasaun votasaun sira ne’ebé estabelese iha Covalima.
“Prosesu atu halo rekrutamentu ba ofisiál CNE, ida ne’e kompeténsia husi nasional, ha’u sei hein orientasaun husi nasionál anúnsiu vaga mai Covalima prontu atu halo rekrutamentu hodi hasoru eleisaun parlamentar” nia hatete.
Nia dehan dadus funsionáriu ne’ebé servisu iha CNE Covalima hamutuk ema na’in-9 no oras ne’e daudaun destaka ona ba postu administrativu ne’en (6), hodi observa servisu Sekretariu Administrasaun Eleitorál (STAE) ne’ebé halo resensiamentu no atualiza baze dadus iha postu administrativu sira.(Azu)
