Covalima (RCCT) 14-09-23–STAE Covalima halo rekrutamentu pesoal apoiu tekniku ba forma meja eleitoral Aldeia no suku hodi apoiu eleisaun ba lider komunitaria sira ne’ebe sei akontese iha fulan outubru tinan ne’e.

Diretór STAE Covalima Franscisco Gusmão informa, rekrutamentu ne’e halo bazeia ba nesesidade, atu organiza meja eleitoral hamotuk 148 iha Suku 30 mak partense ba munisipiu Covalima hodi fo susesu eleisaun ba lider komunikaria sira iha fulan outubru ne’e.

“Covalima iha Postu 7, Suku 30 Aldeia 148, ho ida ne’e ita persija ema atu organiza meja eleitoral suku ne’e, ita persija ema 148, rekrutamentu ne’e bazeia ba nesesidade nebe kada aldeia sira iha” Diretór STAE Covalima Franscisco Gusmão, informa.

Rekrumetamentu ba pesoal apoiu tekniku ne’e Stae Simu Dokumentu husi kada aldeia no suku, tan ne’e ba Aldeia sira ne’ebe mak la submete dokumentu, STAE sei buka meius hodi envolve fali ema sira mak antes ne’e involve direta nudar poling estaf hodi fo susesu eleisaun ba lider komunitaria ne’e.

“Konaba Aldeia sira ne’ebe la submete dokumentus ne’e, ita sei buka meius seluk, nebe maka atu uja para eleisan ne’e lao ho diak, tenki iha ema mak atu organiza entru votasaun ida idak. Tanba ne’e mak, STAE nia ema iha baze, to’o aldeia ne’e iha, hanesan sira nebe involve direta iha poling esta, sira hatene ona, no iha esperensia konaba prosesu eleisaun ninian, ita bolu fali sira ne’ebe iha interese atu servisu iha aldeia hodi organiza sentru votasaun Aldeia ninian” tenik nia

Entretantu kadidatu sira ne’ebe Kompete ba pesoal apoiu tekniku meja eleitoral Aleide no suku hamotuk 160 resin, mai husi postu administrativu 7 suku 30 no STAE fo sai rezultadu final ba rekrumentu ne’e iha loron 15 fulan setembru.