Covalima (RCCT) 12-09-23–Hela deit ona fulan ida Timor Leste atu realiza tan festa demokrasia hodi Xefe Suku iha teritoria Timor Leste, tan ne’e Comisaun Nasional Eleisaun Munisipiu Covalima hahu halo teste ba kandidatu Offisial Supervizaun Eleisaun (OSE) hamotuk na’in 211.

Diretór Comissaun Nasional Eleisaun (CNE) Munisipiu Covalima, Hermengildo de Sena, hatete fo teste eskrita ba kandidatura hamutuk na’in 211 ne’ebe kandidata ba Offisial Supervizaun eleisaun hodi prepara ba Eleisaun Suku nian ne’ebe sei akontese iha fulan Outobru tinan ne’e.

“Sim kona-ba kandidatu OSE ne’ebe apply iha momentu ne’eba depois ami rekolla halo selesaun dokumentus sira ne’eba maka pasa iha selesaun dokumentu maka ohin mai tuir ona teste eskrita total hamutuk ema na’in-211” informa Diretor CNE Munisipiu Covalima Hermengildo de Sena, ba RCCT iha nia knar fatin CNE Tabako Lot,

Nia haktuir hafoin halo selesaun dokumentus tuir CNE Covalima nia hare maioria kandidatu sira tpriensa rekezitus ne’ebé fo sain husi parte CNE antes.

“Daudaun ne’e sira mai tuir teste eskrita hamutuk 211, tanba iha momentu ne’eba sira mai aplly total aplikante hamutuk 211 ho razaun ida katak depos de ami haree liu husi verifika dokumentus kuaze maioria tuir rekezitus ne’ebe husi CNE fo sai” nia dehan.

Entertantu tuir Diretór CNE Munisipiu Covalima Hermengildo de Sena katak tuir orariu husi CNE nasional fo sai katak iha parte dader fo teste eskrita ba kandidatu sira no iha parte lokraik halo kedas koresaun no fo tempu ba CNE halo koresaun durante loron tolu nia laran no posibilidade iha sesta semana ne’e bele publika ona rezultadu teste eskrita.