Covalima(RCCT) 18-10-23–Komisaun nasional da eleisaun (CNE) tersa ne’e realiza enkontru koordenasaun ho alta entidades sira iha munisipiu covalima relasiona ho eleisaun ba lideransa komunitaria sira nebe mak sei akontese iha fulan outubru tinan ne’e.

Hafoin remata enkontru koordenasaun ho autoridade sira ne’e, prezidente CNE Jose Agustinho da Costa Belo ba jornalista sira dehan enkontru atu metin relasaun hodi apoiu fo susesu ba eleiaun lideransa suku.

“Engkotru ida ohin e’e hakarak bolu autoridade sira iha Covalima hanesan administrador munisipiu komandante eskuadra inklui administrador postu sira tanba eleisaun sei akontese iha 28 fulan ne’e, preparasaun ita halo hotu ona kadidatura mos lao ona, entaun ita harak realizasaun eleisaun ne’e ho diak, kordenasaun ho diak, apoiu malu saida mak ita nia esplikasaun ba komunidade ho diak para sira bele hili karik ho rasional no responsabilidade” nia dehan.

Prensidente CNE dehan, iha enkotru ne’e autoridade sira aprezente preokupasaun konaba lei no provas suku nian liu liu konaba bulentin votu ba kandidatu xefe aldeia ne’e laiha fotografia, maibe taka deit iha kuadru nebe besik iha fatin votasaun hodi distigi ema ne’ebe abansa atu sai xefe aldeia.

“iha enkontru ne’e ohin autoridade sira mos aprezenta kona ba lei suku nian iha buat balu ne’ebe sai preokupasaun ezemplu hanesan fotografia xefe aldeia sira nia tanba sira aprezenta kanddatura loron ne’e kedas kampana mos lalais deit tan sira barak maka preokupa liliu maluk difisiente sira ne’ebe la haree, ho modelu ida ne’e ita hatene katak situasaun ida ne’e ida iha mudansa, entaun ida ajuda oinsa maka tau mos fotografia iha kedas fotografia sira ne’e la tau iha buletin votus maibe ita bele destingi ona katak ida ne’ebe maka atu avansa se maka foto ida ne’e no se maka naran ida ne’e” nia afirma.

Nune’e CNE no STAE sei esforsu maka’as hamotuk ho Autoridade sira hodi promove kandidatu ba xefe aldeia sira hodi sosializa iha momentu aprenzentasaun lista kandidatura no molok eleisaun sei fo oportunidade ba kadidatu sira halo introdusaun ba komunidade bele hatene no hili.

Entretantu Enkontru koordenasaun ne’e hala’o iha salaun ba dame, CNE Covalima iha tabako lot, suku debos tersa feira ne’e.

Engkuantu enkotru ne’e Partisipa husi administrador munisipiu francisco de Andrade, PNTL Covalima, Adminstrdor Postu Administrativu 7, diretor servisu munisipais sira, no mos prezidente CNE Jose Agustinho da Costa Belo, Komisariu CNE destaka Munisipiu Covalima no Aileu.Carlito Martins.

Jornalista : Balta Monis/Julio Salinas

Editor       : Chamot Nahac