Covalima (RCCT) 27-03-25 PR Ramos Horta hala’o vizita ba Uma Mahon Sentru Esperansa ba Feto Salele hodi fo apoiu Makina Suku Ropa no Brikeirus (Mainan) no roupa ba labarik sira ne’ebé durante ne’e hela iha Uma Mahon salele.
Prezidente Republika Jose Manuel Ramos Horta hatete apoiu ne’e hanesan konsensia hodi tulun labarik sira ne’ebé hetan violasaun, no labarik emjeral inklui familia balun ne’ebé infrenta difikuldade hodi hala’o moris loro loron.
“Ha’u mai hanesan presidensia no ha’u mai halo deit ha’u nia konsiensia, ita buka ajuda labarik sira ne’ebé mak hetan violensia no labarik sira no familia sira balun hetan difikuldade no susar tebe tebes, apoiu sira ne’ebé mak entrega mai husi Estadu no mos husi parlamentu no Maun Xanana nia apoiu 100 pursentu no aktividades ne’ebé presidente halo tau hamutuk ita buka hodi hamenus di’ak inan aman, avo sira nia susar maibe komunidade balun husi sekretadu geral husi japaun Korea sul iha mos barak husi australia akontese loke prinsipiu fo suai ne’e kleur los, uluk ha’u mak ho señor ida australia naran Neil Austrong sei kontaktu nafatin kontinua fo apoiu nafatin mai Suai”
Diretóra Uma Mahon Sentru Esperansa Salele, Santina Imaculada de Oliveira, agradese ba governu Timor Leste ne’ebé durante ne’e fo apoiu maisimu ba kongregasaun Madre SSPS no Uma Mahon Salele hodi hala’o aktividade fo tulun feto no labarik sira nebe hetan violensia iha teritoriu timor laran tomak.
“Agradese ba Prezidente Republika tanba apoiu no suporta nafatin. mi agradese ba governu Timor Leste hodi fo suporta kongregasaun SSPS liu husi fundasaun Sentru Esperansa ba Feto. Tinan 2006 to’o mai momentu ida ne’e kongregasaun hari organizasaun ida ne’e hahu iha tinan 2006 no momentu ida ne’e ami la mai mesak no ami la servisu mesak no la senti mesak tanba governu Timor Leste nia apoiu maisimu mai ami no oferese rai ida ne’e ba kongregasaun hodi hala’o aktividades ida ne’e hodi fo tulun feto no labarik sira ne’ebé hetan violensia iha teritoriu timor laran tomak” Diretóra Uma Mahon Sentru Esperansa Salele, Santina Imaculada de Oliveira, Espresa.
“Atu hatete katak alin sira ne’ebé mak marka presensa iha ne’e agora dadaun mai ho tipo kazu oioin ne’ebé problema sosial oioin mai husi abuzu seksual ho menoridade violensia seksual, ami la servisu mesak no alin sira la’os mai direita, maibe mai husi parseiru servisu sira no liu husi Ministeriu Solidadriedade Sosial, hamutuk ho ALFELA no mos Pradet, FOKUPERS ho Sosiedade Sivil ne’ebé mak iha misaun no vizuan hanesan ho kongregasaun, hakarak proteze ba feto ho labarik ne’ebé mak hasoru violensia iha sira nia moris” Tenik Santina.
Entretantu iha vizita Prezidente Ramos Horta ba Uma Mahon Esperansa ba Feto Salele ne’e akompaña husi Ministeriu Agrikultor, Sekretariu Estadu Dezenvolvimentu Lokal no Prezidente Autoridade Covalima no mos Komandante PNTL Munisipiu Covalima, F-FDTL Postu Tilomar.
Jornalista : Alfredo Barreto
Editor : Chamot Nahac
