Covalima (RCCT) 27-03-25- Relasiona ho vizita Prezidente Republika (PR) Jose Manuel Ramos Horta, iha Munisipiu Covalima hahu iha loron 26-29 fulan marsu 2025, maka Xefe Estadu, Ramos Horta apoiu orsa hamotuk dolar amerikanu rihun rua nulu resin neen ($ 26,000.00) ba atividade tolu, mak hanesan hadi’a kampu ba kurida kuda, fatin ba manu futu no atividade kopetisisaun dada tali molidade feto Mane, hodi anima povu covalima iha ambitu simu vizita Prezidente Republika Timor Leste iha Rai Ketan Covalima.
Prezidente Republika Jose Manuel Ramos Horta, husu ba komunidade tomak atu bele haki’ak kuda Timor halo barak liu tanba kudrida kuda ne’e hanesan kultura Covalima nian no kultura Timor nian.
“Orsamentu ho montante $ 26,000.00 prezidente fo para ajuda halo kampu kurida kuda ne’ebe kuñesidu husi Covalima, katak kuda halai taru, tanba iha Suai sira privadu osan laiha, parte ida kultura Suai nian, kultura nasional Timor nian. Ha’u maka iha meius liu tan karik, ha’u fo apoiu maka’as liu tan,
“haki’ak halo maka’as liu tan kuda Timor ne’e, tanba kuda Timor ne’e famozu iha Australia, filme ida bolu kuda Timor, ne’e bolu Timor polly ne’e tama iha sira nia legenda. Uluk ha’u sei ki’ik ho tinan 4 sae kuda primeiru ves kuda haksoit, ha’u monu tun ne’e primeiru ves, depois tinan lubuk ida nia laran ha’u hadomi kuda, maibe nudar prezidente osan limitadu” dehan Prezidente Horta ba jornalista sira iha Administrasaun Munisipiu Covalima Kuarta (26/03).
Prezidente Republika Jose Manuel Ramos Horta, dehan sei insetiva manan na’in iha kopetisaun Dada Tali no Halai Taru kuda ho Premiu Osan.
“Premiu lori mai kedas manan ohin, ohin intrega kedas. Ha’u lakohi halo hanesan iha Oekusi ne’eba to’o agora sira selu premiu dada tali nian, premiu futu manu nian, iha Covalima ha’u mos lori ha’u nia manu mai, ha’u hatene Lere lori mos manu lubuk ida, Naimori mos lori manu lubuk ida. Ha’u hanoin sira na’in rua lalika konta ona, purtantu Vise Ministru Komersiu no Industria mos apoiu orsamentu inklui mos ministeriu sira seluk, ne’ebé ha’u mos hakarak ba futu manu lori osan bo’ot para ba taru, Lere ne’e sempre halo buat hotu ne’e duni oras ida maka ita hare, premiu ba manan na’in sira ne’e buat seluk la iha so premiu osan deit” Prezidente Republika haktuir.
Atividade tolu, Kompetisaun dada tali, Kuda Halai Taru no Futu manu ne’ebé hala’o iha Tasi Ibun Suai Loro hodi hodi anima komunidade Covalima ne’ebé mai husi postu administrativu 7. Egkuantu Iha kopetisaun kuda halai taru ne’e mos partisipa mos husi kuda mai husi viziñu Malaka no Belu, Nusa Tenggara Tumur (NTT) Indonezia.
Entretantu objetivu prinsipal husi vizita Prezidente Republika iha Munisipiu Covalima, maka hala’o asaun karitativa hodi apoiu nesesidade baziku ba familia funeravel no maluk difisiente sira hamotu ema na’in 850 husi postu administrativu hitu.
Jornalista : Julio Salinas
Editor : Chamot Nahac
