Covalima (RCCT) 27-03-25-Kinta feira ne’e Prezidente Republika Jose Manuel Ramos Horta, kontinua hala’o asaun karitativa ba komunidade k’bit naton hamutuk-79 iha Suku Lalawa no Beiseuk Postu Administrativu Tilomar, Munisipiu Covalima.
Prezidente Republika Jose Manuel Ramos Horta hatete sasan sira ne’ebé ajuda ba familia k’bit naton sira iha Suku Lalawa no Beiseuk ne’e suporta husi embaixador Japaun iha Timor Leste no Primeiru Ministru Kay Rala Xanana Gusmão.
“Mai fahe hahan ruma ba ferik katuas sira no difisiente iha sasan balun suparta husi ha’u nia amigo no kolega sira husi embaixador Japaun naran Nipon Fundation no nia mos fahe ona to’o iha Oekusi ne’eba no mos Avo Nana haruka roupa/kamiza, kalsa lubuk ida, kamizola ne’ebé ho kualidade no ha’u mos apoiu kalsa ida” Prezidente Republika Jose Manuel Ramos Horta, ko’alia ba jornalista sira iha Beiseuk, Tilomar (27/03).
Apoiu nesesidade bazika ba familia k’bit naton hamutuk 79 iha Suku rua, kompostu husi Suku Beiseuk hamutuk 40 no Suku Lalawa hamutuk 39 no sasan sira mak simu maka fos, manu tolun ,mina tein no jaket no mos fahe kamiza ba estudante no joven sira no seluk tan.
Entretantu Vizita Prezidente Republika Timor Leste, Jose Manuel Ramos Horta iha Munisipiu Covalima, halo asaun karitativa ba k’bit naton hamotuk familia 850 husi Postu Administrativu-7, kompostu Postu Administrativu Fatululik hamutuk ema na’in-50, Fohorem-100, Fatumea-100, Maukatar-100, Suai-150, Tilomar-150 no Postu Administrativu Zumalai iha suku-8 mai ho lista benefisariu-200.
Jornalista : Alfredo Barrreto
Editor : Chamot Nahac
