.png)
Maukatar (RCCT)-28-11-23–Hafoin reprezenta Primeiru Ministru Kay Rala Xanana Gusmão, Diretor Jeral Ministeriu Obras Publiku Domingos de Jesus, fo pose ba konsellu suku 4 ho ninia estrutura iha Postu Administrativu Maukatar, Munisipiu Covalima, tan ne’e husu ba xefe suku sira katak povu hili ona sai xefe suku la’os halo fali povu sai atan ba xefe suku, maibe sai Xefe Suku atu sai atan ba povu.
Molok lee sai Deskursu Primeiru Ministru Kay Rala Xanana Gusmão ninia, Diretor Jeral Ministeriu Obras Publiku Domingos de Jesus, husu ba xefe suku eleitu sira atu sai lideransa ida ne’ebé atu tane povu hanesan liu rai ba dezenvolvimenu no servi povu ho dignu durante mandatu tinan 7.
“Tanba ne’e antes atu lee diskursu Primeiru Ministru Kay Rala Xanan Gusmão hato’o hau nia mensajem ida hau dehan sai lideransa laos komunidade sai atan ba ita lae, maibe lideransa sai atan ba komunidade hodi servi sira durante tinan 7 ne’ebe fo konfiansa liu husi votus” dehan Diretor Jeral Ministeriu Obras Publiku Domingos de Jesus ba RCCT iha Maukatar Tersa ne’e.
Xefe Suku Sesante Holpilat Emilio do Carmo Gusmão, reprezenta xefe suku sesante sira iha Maukar, agradese ba komunidade suku hat nia kopersaun durante mandantu, nia nia mos tau konfiansa ba xefe suku foun sira sei halo mudansa ba iha postu Maukatar.
“Ami nia agradese no obrigado wain ba povu Maukatar espesial iha Suku Holpilat, ohin espesialmente ami nia mandatu remata ona, ageadese ba komunidade tomak iha Maukatar tanba ita nia hamutuk iha mandatu tinan 7 nia laran at ka diak ita hotu hasoru, at mos ita lai ba, diak mos ita lao ba,iha biban ne’e hau nia mensajem ba xefe suku eleitu sira hau fiar kaatk ita boo sira mai ho ho vizaun no misaun ne’ebe foun ho ita boot sira nia kbiit ne’ebe foun tan ne’e hau fiar katak ita boot sira bele halo mudansa iha mandatu tinan 7 nia laran, husu ita boot sira Maukatar ida deit, Suku Holpilat ida deit, povu ida deit husu atu hakuak ita nia povu hotu laiha diskriminasaun liliu ba iha projetu sira ne’ebe oras ne’e balu lao ona iha suku laran” nia dehan.
Emposada Xefe Suku Matai Nuno Jose M.Pereira, reprezenta suku hat iha maukatar, kompromete, ho votu konfiansa ne’ebé povu Maukatar fo sai hanesan responsabilidade hodi halo dezenvolvimentu iha futuru.
“Atu dehan katak ho votu konfiansa ne’ebe povu Maukatar fo tomak mai ami liliu ba suku haat ida ne’e, ami sei uza votus ida ne’e sai hanesan responsabilidade mai ami no ami sei uza didiak, ami sei tane votus konfiansa povu nian ida ne’e ami sei tane no kuidadu, buat ne’ebe ami sei halo liliu ba xefe suku sesante sira ne’ebe durante ne’e sira halo ona no buat balu halo sei dauk hotu ami ba para atu kompleta no buat balu sei dauk lao ami ba prontu atu reforsa hodi hala’o liliu ligadu ba cezenvolvimentu, hau reprezenta husi kolega suku tolu katak ami hotu-hotu sei toma responsabilidade no ami sei kumori lei ne’ebe mak iha tuir kompetensia ne’ebe mak ami iha, hau hein katak ba Maukatar ida e’e sei sai hanesan portaun ba dezenvolvimentu tan ne’e hau ho kolega sira liliu ho konsellu tomak ba futuru nafatin sei kolabora ho xefe suku sesante sira karik buat balu ne’ebe ami halo sei la to’o ami nafatin kolabora, no ikus liu husu ba konsellu tomak labele uza votu konfiansa ida ne’e sai hanesan buat priveleizu ida ba ita , maibe ida ne’e sai hanesan responsabilidade atu hatudu ka atu hasoru dezafiu ne’ebe mosu iha futuru” nia dehan.
Entertantu serimonia tomada pose ba konsellu suku sira ne’e realiza iha salaun Postu Administrativu Maukatar, Munisipiu Covalima, iha serimonia tomada pose ne’e sai sasin komunidade Maukatar tomak, Veteranus, intelektual Maukatar oan, iha serimonia tomada pose xefe suku sesante Suku Ogues maka la marka prensa maibe xefe suku sensante tolu seluk partisipa hotu.
Editor : Chamot Nahac
