Covalima (RCCT)-08-04-21 Relasiona ho udan bo’ot nebe mosu iha Semana kotuk , halo Populasaun iha Municipio barak maka sai vítima ba inundasaun, hodi estraga sira nia hela fatin, inklui produtu lokal sira, nomos Estrada balun iha Municipio Covalima Ameasa kotu hanesan Ponte Lomea Ameasa Grave atu kotuk tanba impaktu husi udan.
Ba Jornalista Diretor Obras Públika Municipio Covalima Alberto Cardoso iha nia intervista informa, Durante udan bo’ot nebe akontese, Ponte Lomea sai ameasa atu kotu, hodi difikulta movimento transporte Públiku no privado sira, inklui mos iha fatin seluk nebe ameasa ba movimento transporte, maibe MOP-Covalima so bele hato’o ona relatorio ba iha Nasional atu nune’e bele deskola material pezadu IGE mai iha Municipio hodi normaliza kondisaun Estrada nebe maka at inpaktu husi udan bo’ot iha semana liu ba.
“ Durante udan bo’ot ne’e Ponte Lomea atu kotu ita mos liu ladiak, depois rai monu hodi taka estrada iha fatin barak los inklui ponte Busa-kukun iha Suco Debos, hirak ne’e ami enkaminha ona ba iha Nasional, atu nune’e husi nasional bele liga ba Ekipamentos IGE ninian bele mai hodi normaliza lalais kondisaun Estrada hirak ne’e ” Diretor MOP Covalima Alberto Cardoso ne’e dehan iha nia kna’ar Fatin.
Alberto Cardoso hatutan, MOP-Covalima la iha kbi’it atu responde emerjensia ba kondisaun estrada nebe maka att impaktu husi udan bo’ot, tanba MOP Covalima la iha ekipamentos pezados.
“ Hau hakarak informa ba komunidade sira iha Municipio Covalima ne’e rasik katak, ita iha Municipio Covalima ne’e la iha kbi’it atu hatan lalais buat sira ne’e, tamba ita iha Municipio ne’e laiha ekipamentos pezados hodi normaliza lalais dalan ne’e maka att hetan impaktu husi udan bo’ot iha fatin hotu-hotu” Alberto Cardoso salient.
Entertanto tuir observasaun ne’ebe hatudu, iha Municipio Covalima ba dadaun ne’e Ponte Lomea sai ameasa bo’ot ba transporte Públiku sira nebe halo movimentu diresaun Capital Municipio ba Posto Administrativu Zumalai, no Ponte iha Aldeia Busa-kukun mos sai ameasa ba transporte sira nebe halo movimentu ba Posto Fatumea, Fohorem, no Tilomar, no Estrada balun husi Diresaun Capital Municipio Covalima ba Posto Fatululik no Maukatar.
Jornalísta : Tynho Gusmão
Editór : Chamot Nahac
