RAIMEA—–Diretóra Geral Ministériu Agrikulturano Peska, Maria Odete do Ceu Guterres, informa politika oitavu governu konstituisional molok nia mandante remata iha tinan 2023 ne’e tenke dezenvolve ona natar hektares-rihun 50, agora tama ona ba iha natar hektares rihun 37 iha teritoriu laran tomak.
Nia afirma MAP identifika molok 2023 atinje liu tiha ona buat ne’ebe oitavu governu mehi, buat sira ne’e akontese mai husi komunidade sira halo natar.
“Ami halo nafatin esforsu para bele atende nafatin, saida maka oitavu governu konstituisional mehi tiha ona ida maka ita haree tiha ona politika oitavu governu katak molok mandatu temata to’o 2023 tenke atinje natar hektares rihun-50, agora dezenvolve ona natar hektares rihun-37” informa Diretóra Geral Ministériu Agrikultura no Peska, Maria Odete do Ceu Guterres, 8ha diskursu hafoin hala’o distribuisaun hand trator unidade-16 ba grupu agrikultores sira iha Aldeia Beilaku, Suku Raimea, Kuarta (01/02).
MAP iha tan planu atu diversifika ai horis tanba ne’e husu ba projetu officer SAPIP atu rekomenda grafik bele lori bibit ida mai husi musan atu nune’e iha tempu badak nia laran bele hetan nia rezultadu, tan rai ida ne’e rai bokur tenke uza masimu para bele hetan sasan sira ne’ebe ho rezultadu diak.
“Ita agora problema hela nutrisaun, problema seguransa alimentar maibe governu halo nafatin esforsu ounsa atu asegura sasan sira ne’e” nia dehan.
Governu fo asistensia nafatin liu husi projetu SAPIP, fo ekipamentu, fo mina, asitensia teknika iha, halo nusa mak bele lori mehi atu hetan sefuransa alimentar ho nutrisaun ne’ebe diak.(Azu)
