Covalima (RCCT) 19-02-25-Kuarta feira ne’e dadersan hale’u oras tuku 8, Polisia Nasional Timor-Leste (PNTL), liu husi Departamentu Investigasaun Kriminal Nasional (DIKN), ezekuta mandadu husi tribunal ho numeru uniku krimunal 0037/25/PNSIK husi Tribunal Distratal Suai hodi halo buska aprensaun domisiliariu patrimonia hasoru Konsellu Konbatentes Libertasaun Nasional Munisipiu Covalima ho inisial FDS nia residensia iha Aldeia Asu Maten, Suku Debos, Postu Administrativu Suai.
Durante oras ida autoridade siguransa PNTL, ezekuta mandadu buska aprensaun konsege identifika evidensia hanesan lista veteranu no kareta ida ho marka Inova kor metan ho sapa matrikula A. 15 128, tais hamutuk tais 42 kompostu husi tais mane 28 no tais feto 14, usb ida, konta bankaria 3 no mos osan fiziku ho montante dolar hitu nulu ($ 70), ho nune’e, evidensia hirak ne’e asegura ona Komando PNTL Munisipiu Covalima hodi hein prosesu atu Aprejenta ba Ministeriu Publiku Suai.
“Bazeia ba mandadu buska no aprensaun ne’ebe maka tribunal distrital hato’o ba Diresaun Investigasaun Kriminal Nasional iha dia 1 liu ba no ohin Diresaun Investigasaun Kriminal Nasional ezekuta hamutuk mandadu ne’e ho investigador munisipiu Covalima nian ba iha FDS nia uma ba objetu sira ne’ebé ligasaun ba saida maka nia halo ohin ita prende hotu ona depois ita valida no oras ida tan ita aprezenta ba Ministeriu Publiku” informa Xefe Departamentu Investigasaun Kriminal Nasional (DIKN), Superientendente Polisia Joāo Belo dos Reis, ba jornalista sira iha komando PNTL Munisipiu Covalima.
Joāo Belo haktuir akuzasaun ba FDS ho kazu Burla no Subornu no mos iha objetu balu ne’ebé sai hanesan segredu justisa, labele fo sai, Alende ne’e fora husi buska ne’e, Diresaun Investigasaun Kriminal Nasional hetan objetu seluk hanesan kilat musan iha FDS nia residensia.
“Iha artigu 4 maka akuza iha ne’e hanesan burla no subornu ho artigu rua seluk, objetu ne’ebe ligasaun ba segredu justisa hau labele ko’alia ba maluk sira, tanba ohin maluk sira liput rasik ona, ida tan maka fora husi mandadu ne’ebe maka ami hetan husi tribunal, ohin mos iha buska ami hetan objetu seluk maka ligasaun ba kilat musan no agora parte ida ne’e mai ami sei aprezenta ba komando jeral hodi foti medidas tuir mai, ida ne’e konsidera violasaun ba regras internal ami nian, ne’ebe liga mos ba lei krime mos labele, buat rua ne’e ita sei submete ba regulamentu disiplinar no seri submete hotu, kilat musan ho magasen ne’ebe ita hetan ligasaun ba PNTL” nia dehan.
Enkuantu tuir Xefe Departamentu Investigasaun Kriminal Nasional (DIKN), Superientendente Polisia Joāo Belo dos Reis, Informa dadaun ne’e veteranu FDS nudar memebru PNTL ativu ne’ebé hetan lisensa seim vensimentu hahu iha tinan 2015.
Jornalista : Julio Salinas
Editor : Chamot Nahac
