Nune’e, Komandante PNTL Covalima Superintendente Polisia Calisto Gonzaga, dehan desiminasaun ne’e hanesan espasu hodi halo aprosimasaun ho estudante sira atu bele komprende no kumpri regra kodigu Estrada no mos respeita dignidade feto iha fatin publiku.
“Espasu ida ne’ebé komandu Polisia Covalima foti maka aprosima ho Estudante sira, atu bele kumpri regras kodigu estrada ninian, por exemplu hanesan tenki iha karta kondusaun, tenki uza kapaseti, tenki komprende regras, sinai sira. Depois iha parte balu VPU aprezenta materia sira ne’e mak halo prevensaun ba asedu seksual, respeita dignidade feto iha fatin publiku por exemplu hanesan ita nia inan no mos kodigu estrada sinti hanesan toman ida, hanesan ita nia kultura para ita bele halo prevensaun, “ Komandante PNTL Munisipiu Covalima, Superintendente Calisto Gonzaga husu.
Diretór Eskola Sekundaria Tekniku Vokasional Cristal Suai, Gualdinho dos Santos Pereira hatete, durante nia parte eskola sempre fo hanoin bebeik ba estudante sira atu bele tau importasia hodi prepara an ba futuru ida ne’ebé di’ak, saida rekursu ida ne’ebé kualidade.
“ha’u nia estudante sira ne’e feto mane hau sempre fo mensajen, primeiru ha’u dehan ba sira ita bo’ot sira ne’e mak jersaun foun no jerasaun futuru ba Nasaun, maibe hanesan ohin ibu Amelia esplika hatene ninia dalan namora ne’e saida no dalan atu estuda ne’e saida?, tanba iha ona lei atu proteze buat sira ne’e mais lahatene jerasaun ida agora ne’e dala ruma sira interese mak ida ne’e deit ba estudante sira dala ruma sira mai eskola rona profesor sira, dala ruma la rona profesor sira esplika no balu la tama tan eskola tanba sira interse liu ba jerasaun agora ne’e sira la hanoin ba loron ikus, tanba balu hanoin duke eskola, diak liu hola malu” Diretór Eskola Cristal Suai, Gualdino dos Santos Pereira hatete
Entretantu objetivu husi desiminasaun informasaun atu sosiedade hotu bele hatene halo prevensaun ba konflitu no mos asedu seksual inklui hatene hodi kumpri kodigu Estrada.
Jornalista :Alfredo Barreto
Editor : Chamot Nahac
