Iha selebrasaun eukaristia ne’e, Padre Selebrante Joseph Phuong husu ba membru Polisia iha komandu Polisia Covalima tenki sai naroman no amigu diak ba povu sira hotu.
“Polisia ida roman los to’o ema hare ita ema gosta ita, ema latauk, bele daudaun ema sei tauk polsia, katak ema hare polisia ema gosta karik iha problema ruman mak ema la gosta ita tenki sai masin no roman ba sira” nia dehan.
Iha fatin hanesan Komandate PNTL Munisipiu Covalima,Superintendente Polisia, Calisto Gonzaga husu ba nia membru sira hotu atu halo tuir hahalok ne’ebé Santo Antonio ba ema hotu ho domin.
“Ha’u fo hanoin loron ida ne’e espesial ba ami, tamba ami hili Santu Antonio ne’e hanesan mahein, hanesan padroeiru ba ami instusaun Polisia ninian, liga ho leitura ne’ebé mak ohin lee, karik ha’u ko’alia sala maiba ha’u tenta tok sai masin ida rai ninian, sai naroman ida ba ema hotu ba sertu leau sira ba soldadu sira ne’ebé mak hala’o ninia missaun iha instusaun PNTL, tenki aplika hanesan masin hanesan naroman, maibe ha’u fiar katak ita mos seidauk hanesan masin ita seidauk hanesan naroman, naroman ida ita sei tau iha ita nia kuartu laran, tau iha ita nia kama okos tau iha ita nia familia, i ema seidauk senti naroman Polisia nian iha ne’ebé ita mos seidauk hanesan masin ida mer ba ema hotu ema halo kajamentu ema halo festa ema halo kultura maibe ita tenta ita nia vida ne sei naruk ita tenta atu bele sai masin no naroman ba ema hotu hotu” esplika Komandate PNTL Munisipiu Covalima,Superintendente Polisia, Calisto Gonzaga.
Selebra misa ba loron Santo Antoniu ne’e presidi husi padre Joseph Phuong, partisipa husi Prezidente Autoridade (PAM) Covalima, ho nia estrutura, madre sira, Membru Polisia ho familia, inklui komunidade sira.
Jornalista : Moichug, Matias de Souza
Editor : Chamot Nahac
