Covalima (RCCT) 19-03-24-Tersa feira ne’e Komando Polisia Nasional Timor Lorosa’e (PNTL) Munisipiu Covalima hamutuk ho autoridade sira hahu husi autoridade nivel suku, postu to’o munisipiu inklui veteranu sira, hahu diskute atu hari Konsellu Seguransa Munisipal (KSM).

Nune’e Komandante PNTL Munsipiu Covalima Superientendente Polisia Calisto Gonzaga, hatete, ema hotu hotu persija hamrik hamotuk iha liña frente atu liman ba malu hodi halo dezenvolvimentu iha setor siguransa.

“Kuandu ko’alia atu dezenvolve, labele ita konta ema ida, ita hotu maka bele, partikularmente iha Munisipiu Covalima ne’e kamadas barak maka iha ne’e, presija ami tenke tuur hamutuk para atu bele haree saida maka presija atu halo ba iha futuru, saida maka ita povu ne’e presija liliu ba asuntu sirkutaria, ha’u hanoin katak seguransa sai setor prinsipal ba iha setor sira seluk, ba iha ekonomia, sosiu no mos ba iha setor sira seluk kuandu iha situasaun perturbu laiha trankuilidade, konserteja nia efeitus ne’e ba iha kualker atividade dezenvolvimentu, tanba ne’e iha Covalima iha fulan ida ne’e tenki tur hamutuk ho ha’u nia autoridade lokal, ha’u nia lider komunitaria, ba oin ne’e ami atu ko’alia tau neon hamutuk oinsa maka ita forma mahon ida hanaran Konsellu Seguransa Munisipal, atu nune’e ita hotu bele haree ezijensia ba ita nia dezenvolvimentu atu mai liliu ba asuntu seguransa nian hodi prevene asuntu konflitu sosiais, atu nune’e dezenvolvimentu bele la’o ho di’ak tanba tinan oin iha grande projetu Suai Supply Base, konstrusaun ba Portu Suai Loro, konstrusaun ba aero portu, auto estrada ema hotu sei konsentra iha Covalima, tan ne’e labele konta ami polisia ho militar deit maka bele halo defesa no seguransa maibe ita konta hotu mos autoridade lokal, lider komunitaria konta hotu mos kamada sira seluk ne’ebe maka iha munisipiu ida. ne’e para bele garante trankuilidade manutensaun ordem publiku,” dehan Komandante PNTL Munsipiu Covalima Superientendente Polisia Calisto Gonzaga, ba jornalista sira hafoin realiza sorumutu entre PNTL ho autoridade sira, ne’ebé hala’o iha Salaun enkontru Kobek Bairo Kosta, Suku Debos, Postu Administrativu Suai, Tersa (19/03).

Reprejenta Prezidente Autoridade Munisipiu, Diretór Servisu Munisipal Asaun Sosial, Clementino Bere, konsidera sorumutuk ne’ebe entre autoridade sira ne’e importante hodi desidi ba garantia distinu siguransa ba kolkel dezenvolvimentu mak atu la’o iha munisipiu Covalima.

“Durante ne’e ita hare konflitu sosiais ne’e mosu wa’in tebes, tanba ne’e ita ohin hala’o enkontru ida ne’e atu hare hamutuk oinsa atu halo prevensaun ba hahalok sira ne’ebé baibain akontese no hahalok ida ne’e ita hotu observa katak hahalol ne’e mai husi joven maka wa’in, liliu joven sira hemu tua lanu ne’e provoka situasaun, tanba ne’e projetu ne’ebé atu mai daudaun iha Covalima kuandu ita la halo prevensaun ba konflitu hirak mosu ba futuru sei sai ladi’ak ba dezenvolvimentu atu la’o iha rai Covalima, tanba ne’e atividade enkontru ida ne’e importante tebes” informa Prezidente Autoridade Munisipiu, Diretór Servisu Munisipal Asaun Sosial, Clementino Bere.

iha fatin hanesan, Reprezenta Veteranu Munisipiu Covalima Joaquim Barros, aseita inisiativa husi komando PNTL Covalima, ne’ebé hakarak atu hari ona Konsellu Siguransa Munisipal iha Covalima.

“Hanoin dala uluk ita apresia ba inisiativa ne’ebé mai husi komando PNTL munisipiu Covalima, ne’ebé maka ultrapasa hanoin ona para atu bele kria uluk KSM iha Covalima, alende autoridade iha munisipiu sira seidauk hanoin mais ita autoridade Munisipiu Covalima ultrapasa uluk ona, tebes duni veteranu hakarak aseita duni inisiativa ida ne’e, ita presija duni kamada ida atu bele estabelese ba ita nia rain, kamada ida ne’e maka atu bele hare la’os seguransa seidauk bele, PNTL prontu iha 24 oras bele asegura iha kualker atividade ida ne’ebé atu bele dudu ita nia hanoin, maibe ita presija duni kamada ida atu bele servisu konjunta hamutuk ba parte seguransa nian atu bele garante estabilidade ba rai ida ne’e, ita nia povu hein hela estabilidade, se ita rasik hanesan autoridade tantu husi kamada hotu-hotu se la hanoin konaba ida ne’e, ha’u hanoin ita atu minimiza ka redus konflitu iha ita nia rai laran susar uitoan tanba ita la hamutuk hodi bele kombate buat sira ne’ebé hanoin la di’ak iha ita nia rai laran liliu ita nia autoridade Covalima” nia haktuir.

Entretantu, Konsellu Siguransa Munisipal ne’e, hari sei lidera husi Komandante Polisia nune’e mos Prezidente Autoridade Munisipal no prezindente Veteranu mak sei sai hanesan uniku parseiru atu bele junta ideia hodi determina nesesidade hira maka presija tau matan, ita bele halo prevensaun.

Jornalista : Julio Salinas

Editor       : Chamot Nahc