Covalima (RCCT) 25-04-25-Kinta ne’e (24/04) Programa Nasional Dezenvolvimentu Suku (PNDS), Munisipiu Covalima, no Autoridade Postu Administrativu Suai realiza sorumutu ho Lideransa Komunikatia (PK) no kompañia sira ne’ebé elizivel sai fornesedor ba PNDS Postu Suai siklu 7 tinan 2025.
Diretor Servisu Munisipa Apoiu Programa Nasional Dezenvolvimentu Suku (PNDS), Munisipiu Covalima, Pedro de Araújo Gomes, dehan bazeia ba verifikasaun dokumentu iha deit kompañia hamotuk 5 mak kualifikadu sai fornesedor material fabrikanu no non fabrikanu.
“Atividade ne’ebé ohin loron hala’o iha Postu Administrativu Suai, hanesan mos atividade ida ne’ebé ita atu implementa programa PNDS iha 2025, fulan kotuk ita hatama ba iha etapa rejistu kandidatu fornesedor depois anunsia ona informasaun ba iha suku, anunsia informasaun ne’e maka hanesan ita taka ona informasaun ba iha suku ida-idak hodi fo hatene ba ita nia kompañia lokal ne’ebé maka ejiste iha suku atu bele ba rejistu iha suku, depois de rejistu semana kotuk halo ona verifika, rezultadu husi verifikasaun dokumentus ne’e maka kompania lokal iha Postu Suai ne’e 5 maka elizivel ka kualifikadu” Diretór Servisu Munisipa Apoiu Programa Nasional Dezenvolvimentu Suku (PNDS), Munisipiu Covalima, Pedro de Araújo Gomes, esplika.
“PNDS 2025 ita sei fo deit kotasaun ba iha kompañia lima ne’ebé elizivel ba iha pakote 1 fabrikano no ba iha pakote 2 la’os fabrikanu ba iha kompañia 4 maka ita sei fo kotasaun” Tenik nia.
Fatin hanesan reprezentante Administrador Postu Administrativu Suai, Alarico do Nascimento, enkoraze kompañia na’in sira atu halo projetu ho responsavelidade no garantia kualidade konstrusaun.
“Hau Lori Adiministrador postu nia naran hameno de’it ba ita bo’ot sira, ita mesak ema Suai oan, Covalima oan ne’ebé hala’o obra ne’e halo didi’ak labele hanoin buka maka keuntungan (lukru) maibe servisu la interese, ikus mai projetu ne’e finaliza la to’o tinan rua ka tolu nia at fali ona ida ne’e ita lakohi atu akontese, tenke halo buat ho laran nudar halo ba Suai oan, ba Covalima oan tanba di’ak ba ita hotu” nia fo hanoin.
Enkuantu enkontru ne’e realiza husi PNDS iha Salaun Postu Administrativu Suai ho objetivu ida atu hato’o informasaun konaba atu fahe kotasaun ba fornesedor sira kada suku ba projetu PNDS siklu-7 tinan 2025, no partisipa iha enkontru.
Jornalista : Julio Salinas
Editor : Chamot Nahac
