COVALIMA (RCCT) 02-04-25-Programa Nasional Dezemvolvimentu Suku (PNDS) realiza refreshing training hodi eleva kapasidade funsionariu sira nian konaba mudansa mata dalan ka manual operasaun programa bazeia ba Lei numeru 8/2013, ho alterasaun ba dala nen dekretu Lei numeru 4/2025
Diretór Programa Nasional Dezemvolvimentu Suku Iha Covalima Pedro de Araujo Gome informa katak refreshing training ne’e hala’o ba funsionariu sira PNDS Covalima, tantu ekipa Munisipiu no Ekipa sira husi Postu Administrativu hitu hodi asegura ba konta balestimentu, enjeneiru, fasilitador sosial, finansas, fasilitasdor tekniku formasaun.
“Ami nia formasaun ne’e mos hanesan refreshing training ida ba iha k’nar ida idak, hanesan parte sosial karik liga liu ba iha mata dalan PNDS, livru ne’ebé mak iha ne’e manual operasaun programa PNDS hodi bele fasilita komunidade sira iha enkontru. Parte finansas liga liu ba iha Jestaun Finanseiru ho aprovisionamentu komunidade iha gestaun finansas, ne’e ita ko’alia konaba subsidiu ne’ebé mak PNDS iha PNDS, ne’ebé mak hetan husi alokasaun Orasmentu Jeral Estadu (OJE). No mos subsidiu ba iha infrestrutura no subsidiu ba iha operasional ne’ebé subsidiu ne’e mak aloka ba iha PNDS ne’e depende ba iha rekezitu rua, ida mak ba iha depende mos ba iha distansia husi suku ba iha kapital munisipiu no ita hare liu ba iha total populasaun ne’e bazeia ba sensus fo fila 2022.” Diretór Programa Nasional Dezemvolvimentu Suku Iha Covalima Pedro De Araujo Gomes, Informa
Partisipa iha formasaun ne’e, Fasilitador Sosial PNDS Postu Administrativu Fatululik, Vitorino da Costa dos Santo konsidera formasaun ne’e bele hasa’e sira nia kuñesimentu hodi bele halo k’nar iha Postu Administrativu.
“Liu husi treinamentu hanesan ne’e maka bele kapasita ita, bele loke ita nia hanoin liliu ba iha iMplementasaun Programa Nasional Dezenvolvimentu Suku (PNDS) ne’ebe implementa iha Munisipiu Covalima, liliu iha Postu hitu nia laran, tanba ne’e maka hanesan fasilitador teknik Postu Fatululik, treinamentu ne’ebé mak ami hetan ne’e importante los mai ami atu nune’e ami bele halao iha ami nia postu tuir prosesu ” Fasilitador Sosial PNDS Postu Fatululik, Vitorino da Costa dos Santo, dehan.
Refreshing Training ne’e, hala’o iha salaun administrasaun munispiu Covalima, ba funsionariu PNDS Covalima mai husi Postu administrative hitu hamotuk ema na’in hat nulu resin ualu, ne’ebé hala’o durante loron rua hahu iha Tersa feira no termina iha Quarta feira Semana ne’e.
Jornalista : Alfredo Barreto
Editor : Chamot Nahac
