Primeiru Ministru Kay Rala Xanana Gusmão liu husi reuniaun konsellu ministru kuarta semana kotuk hatun despaisu urjentemente ba Ministeriu Administrasaun Estatal, liu husi Sekretariu Estadu Dezenvolvimentu Lokal tun direita iha Covalima kordena ho xefe suku sira hodi haree kona-ba implementasaun programa nasional dezenvolvimentu suku.
Iha diskursu Sekretariu Estadu Dezenvolvimentu Lokal Mateus dos Santos Talo, hafoin hala’o dialogu ho autoridade lokal sira iha Covalima Kinta foin lalais ne’e hatete, Primeiru Ministru nia orientasaun ho objetivu hakarak atu hatene loloos kona-ba implementa Uma Naroman ba Povu no programa mão de obra durante lao iha Covalima ne’e hira maka finalize ona no hira maka sei dauk finalize no osan hira maka sei toba hela iha konta bankaria suku nian liliu ba PNDS.
Sekretariu Estadu Dezenvolvimentu Lokal Mateus dos Santos Talo, dehan Primeiru Ministru Kay Rala Xanana Gusmão fo tempu ba Ministeriu Administrasaun Estatal semana rua deit atu bele rekolla buat sira ne’e lao tuir mata dalan ka lae.
Entertantu durante Sekretariu Estadu Dezenvolvimentu Lokal estadia iha Covalima simu informasaun no anota hela problema ne’ebe durante ne’e povu infrenta tanba balu sei dauk asesu ba eleltrisidade, bee moos, Estrada no iha suku balu konstrusaun ba UNP lao tarde tanba impaktu husi kondisaun Estrada bainhira udan transporte labele transporta material konstrusaun sira.
Ataku Soares hato’o reportajen
