“Iha semana kotuk Timor Gap hamutuk ho Timor Resource resolve ona sira nia problema komersial antes, tan ne’e hanesan ministeriu ami fo korazen hela para sira bele halo servisu komunikasaun no preparasaun ne’e para se la fin tinan ida ne’e tinan oin mai ne’e tenke ser komesa ona halo perfurasaun tan iha ne’e, imi apoiu tantu governu lokal mos tenke apoiu maibe mos imi reza ba maromak, hanesan Suai oan adat mos maka’as tan ne’e husu atu imi mos hamulak did’ak ba matebian no rai lulik sira hotu para ita bele hetan susesu bainhira perfurasaun ne’e la’o” dehan Ministru Petróleu Rekursu no Minerais, Francisco da Costa Monteiro, iha sorumutu ho PAM iha Administrasaun Munisipiu Covalima, Sesta (09/05).
Ministru Petróleu Rekursu no Minerais, Francisco da Costa Monteiro, haktuir kona ba mina matan tolu ne’ebe antes ne’e fura ona hatudu rezuladu tanba teknikamente iha indikasaun ba mina ho gas.
“Minan matan tolu ne’ebe fura ona hanesan Posu Liu Rai, Feto Kmaus no Lafaek ne’e hetan tiha ona agora teknikamente iha tiha ona indikasaun mina ho gas ne’e iha, fatin tolu ne’e hotu kedas hanesan posu Feto Kmaus, Liu Rai no Lafaek, ne’e iha hotu, barak halo nusa ne’e seidauk, ne’ebe imi bele kontente maibe labele imi kontente demais liu, ita tenke ser halo tan perfurasaun lubuk ida para prova nia komersialmente ita atu dezenvolve ka nia hetan mais nia lato’o atu dezenvolve ne’e buat ketak ida ne’ebe husu imi hotu reza nafatin, imi hamulak nafatin, imi fo apoiu nafatin ba Tomor Gap ho Timor Resource ne’ebe mai ne’e” nia haktuir.
Enkuantu Ministru Petróleu Rekursu no Minerais, Francisco da Costa Monteiro, nafatin husu ba autoridade iha Covalima no povu tomak atu kompera fo apoiu masimu ba Timor Gap ho Timor Resource ne’ebe atu kontinua hala’o tan perfurasaun iha Suai.
Jornalista : Julio Salinas
Editor : Chamot Nahac
