Covalima (RCCT) 31-01-24-Pesoal Saude ne’ebé Ministeriu Saude liu husi Ospital referal Suai fo kontratu ho fundu covid-19, termina ona tempu servisu, maibe la fo impaktu ba atendementu pasiente, tanba rekursu umanu iha ospital referal suai nafatin sufsiente atu halo antementu.
Diretór Ezekutivu Ospital referal suai, Geraldo Francisco da Cruz hatete, Pesoal saude ne’ebé mai kontratu fundu Covid-19 hamotuk na’in 9 mak para, maibe pesoal saude sira ne’ebé ho kontratu reguler no kontratu ho orsamentu jeral estadu hamotuk na’in rua nulu resin mak sei kontinua halo knar iha ospital referal suai.
“Ospital suai infrenta problema rekursu iha fulan kotuk baihira hapara ita nia kontratu nebe mai ho fundu Covid-19 Kontratu reguler ho kontratu OEJ Orsamentu geral do estado maibe eneste momentu klaru ke kontratu reguler kontinua ona I kontratu ho OJE mos kontinua ona so para ho fundus de Covit tanba ita nia fundus mak hotu ne mak hapara fundus de Covit pesoal saude iha ne iha 9 pesoas mak parareguler sira sei kontinua tanba ita uza ita nia osamentu Ospitalar reguler total iha 7 pesoas beis de servisu reguler no mos iha tan 7 pesoas ho intermatu” Diretór Ezekutivu Ospital referal suai, Geraldo Francisco da Cruz.
Diretór ne’e mos relata konaba pesoal saude permanente ne’ebé sai funsionario iha Ospital referal suai hamotuk ema na’in 109 no mos Voluntariu besik em na’in rua nuluh resin hat, nune’e rekursu umanu iha ospital suai dadaun ne’e sufisiente atu halo atendementu ba pasiente sira.
“ita nia funsionariu permanenti total iha ne hamutuk 109 pesoas voluntyariu kuaze 24 pesoas neste momentu rekursu hospital sufisiente hela atu bele responde maske neste momentu ita difisil maibe ho maluk volontariu sira nia prezensia ho maluk sira nebe pronto atu volotariu ita aloka apoiu malu lori atende” Diretór Geraldo Francisco da Cruz.
Entretantu professional saude ne’ebé halo k’nar iha ospital referal suai hamotuk funsionariu permanente na’in 109, kontratu reguler na’in 7 no mos kontratu ho orsamentu jeral do estadu hamotuk ema na’in 17 Inklui ema na’in 24 mak dedika an sai voluntariu, engkuantu pesoal saude na’in 9 ne’ebé halo kontratru ho fundu covid-19 mak remata ona sira nia kontratu.
Jornalista : Moichung
Editor : Chamot Nahac
