.png)
Covalima (RCCT) 05-09-23–Padre Parokia Ave Maria Suai, Sebastião Eugenio da Cruz Coreia, hatete iha ukun-an ida ne’e tuir igreja nia haree unidade komesa naksobu ona tanba ema ida-idak tau interese as liu ba grupu, hodi sei kotuk ba malu.
Padre Sebastião hato’o lia hirak ne’e iha kalan refleksaun ne’ebe hala’o iha resintu Igreja Ave Maria Suai, Kuarta 05/09/2023, ba sarani sira katak iha era ukun an ida ne’e bainhira ema sei oin ba malu ne’e tanba mai husi grupu organizasaun ida deit, maibe kuandu laos grupu ida ne’e laos maluk, maibe bainhira haree ba luta ukun rasik an iha grupu barak, maibe hotu-hotu fo liman ba malu luta ba rai ida ne’e atu hetan independensia.
“Iha tempu ita ukun-an ne’e unidade naksobu ona, moral naksobu ona tanba interese ita ida-idak nia grupu, halo ema komesa sei kotuk ba malu, la hanesan uluk ona iha ita nia luta hodi hetan ukun rasik an ida ne’e” Padre Sebastião hato’o lia hirak ne’e ba sarani sira iha kalan refleksaun ne’ebe hala’o iha resintu Igreja Ave Maria Suai.
Nai lulik husu ba joven sira atu hadomi malu, tanba liu husi domin maka nasaun ida ne’e iha, tan ne’e labele haree liu ba grupu ne’ebe hola parte ba hodi fila kotuk ba malu, tanba ne’e hotu-hotu fo liman no kahe bas ba malu hodi hadia dezenvolvimentu rai ida ne’e bele lao ho diak.
“iha kalan kmanek ida ne’e hakarak rai hela mensajem ba imi ba ita hotu nudar Amo parokia, liliu ba hau nia joven sira, liliu ba hau nia oan estudante sira joven sira eskola ka la eskola, iha ona servisu ka laiha servisu hadomi malu ba, tanba domin mak nasaun ida ne’e iha, husu fo liman ba malu hodi dezenvolve rai doben ida ne’e espesial iha Covalima” Nai Lulik ne’e husu.
Domingos de Oliveira Foti Riba dehan joven sira agora moris iha ukun an laiha unidade tanba sira tau interese as liu ba grupu arte marsiais ne’ebe sira hola parte ba no sira la haree ba uluk sira nia aman, ka maun ou tiun no inan sira uluk luta hodi hetan ukun rasik an ida ne’e.
“Joven ida agora laiha unidade tanba interese liu ba iha grupu organisasi hodi haluha tiha saida mak uluk sira nia aman luta ba rai ida ne’e, tan ne’e husu ba joven sira haree ba setembru negro ne’e ema ida sei iha, joven nia future ne’e saida tanba Timor ne’e hamrik sai nasaun ona laos atu hakiduk fali ba kotuk” nia dehan.
Entertantu joven ida uluk maske mai ho grupu arte marsias oi-oin maube iha unidade tebes tanba hotu-hotu fo liman ba malu hakarak rai ida ne’e atu hetan ukun rasik an, maibe joven ida agora laiha unidade hakarak atu buka hafuhu malu deit hodi kria problema iha rai laran.
Jornalista : JS
Editor : Chamot Nahac
