Iha ninia umilia, Pe. Kris Djawa, CMF, husu ba sarani sira hotu kada tinan iha loron paskua atu prepara an didi’ak halo penitensia no jezum ho seriedade.

“Ita hare fila fali ita nia preparasaun ba loron 40 ita ida idak ho ita nia esforsu rasik prepara an balu karik prepara ho seriedade iha uma laran forma onisa halo jezum halo penitensia no balun karik konsege labele halo tanba prekupasaun servisu balubalun maibe nafatin tinan tinan fo hanoin mai ita atu ita ida idak hadi’a ita nia an molok ba selebra festa paskua nian, labele mai deit laiha preparasaun balu karik la konsege ba konfesa no mai selebra paskua karik laran seidauk hamos maibe ba tinan oin karik ita ida idak hadi’a ita nia an molok mai selebra festa paskua” Pe. Kris Djawa, CMF, esplika iha nia umulia ba misa domingo paskua iha kapela santa maria maromak nia inan salele bo’ot.

Pe. Kris mos husu ba foinsa’e sira atu liu husi festa paskua, ida idak hadi’a an nudar ema katolika hodi hadok an husi krimi no labele involve iha konflitu, atu hatudu imajen nudar ema krisataun iha komunidade nia let.

“Ba foinsa’e sira ita hotu simu paskua ne’ebé furak tebe tebes atu ita ida idak bele hadi’a ita nia an, ita foinsa’e katolika bele hatudu exemplu di’ak nudar foinsae ba ita nia komunidade karik ita hadok an husi konflitu, hadok an husi krime hadok an husi moris at atu ita hotu hotu bele hatudu ba ema imazen kristu ne’ebé moris hi’as ona hosi mate, lalika mete ba problema lalika mete ba konflitu tanba konflitu la lori buat diak ida ba ita, se ita mete ba konflitu dala ruma bele ameasa ba ita nia vida se ita lakon ita nia vida, ita fo servisu ba ema servisu ba kondutor vunar sira sira atu lori kareta vuneral, fo servisu ba ema sira ne’ebé mak ke rate fo servisu ba ema sira familia uma laran hader ita nia isin mate ne’ebé ita nia moris saugati, di’ak liu para husi problema, hadok an husi konflitu ita buka moris di’ak ohin loron ne’e ema hotu kompete atu buka moris di’ak ema la kompete atu moris iha konflitu nia laran ita tenke dehan ba ita nia an katak adeus konflitu bemvindu dezenvolvimentu ida ne’e mak diak ba ita nia rai di’ak ba ita nia an di’ak ba ita nia futuru” Tenik Pe. Kris Pe. Kris Djawa, CMF.

Entretantu Sarani sira mak partisipa iha selebrasaun misa domingo paskua iha kapela santa maria maromak nia inan salele bot ne’e mak madre no sarani sira husi Aldeia wetaba, Ai Oan no Salele bo’ot inklui madre sira.

Jornlista : Moichung

Editor    : Chamot Nahac