Covalima (RCCT) 23-01-25-Amu Parokia Igreja Nossa Senhora de Fatima Suai, Pe. Aderito da Costa Vilar Moreira, husu ba manorin na’in sira atuu banati tuir Jesus Kristo hodi sai mestri ida ne’ebé di’ak liu ba estudante sira.
Pe. Aderito hasasi lia ne’e iha nia umilia, wainhira prezidi serimonia eukarisitia hodi agradese natal hamotuk entre Ministeriu Edukasaun ho profesor sira iha Munisipiu Covalima.
“Ita hakarak ema buka ita, ita hakarak ema hobur ita, maibe balu lae, ema buka no hobur sira la’o lakon fali, la’o ses fali, ne’e labele, ne’e ema dehan ita egoista tanba lakoi fahe matenek, lakoi fahe di’ak, lakoi fahe domin, ne’e risku bo’ot” Amu Parokia Igreja, Nossa Senhora de Fatima Suai, Pe. Aderito da Costa Vilar Moreira, dehan iha nia Umilia.
Misa agradesimentu ba natal hamotuk entre Ministeriu Edukasaun ho manorin na’in sira ne’e, realiza, iha Igreja Nossa Senhora de Fatima Suai, ne’ebé prezidi husi Amu Parokia, Pe. Aderito da Costa Vilar Moreira, akompaña husi Amo Vigariu Igreja Zumalai, Pe Amadio Soares Salsinha. Iha Selebrasaun Eukaristia ne’e partisipa husi Ministra Edukasaun, Dulce de Jesus Soares ho nia ekipa inklui Profesor/a sira iha Munisipiu Covalima.
Jornalista:Moichung
Editor : Chamot Nahac
