Covalima (RCCT) 06-11-23–Kandidatu Xefe Suku Labarai Paulo de Sena, kompromente wainhira eleitu, sei hamenus problema sosial entre juventude sira liu husi organiza atividade desportu iha kada Aldeia ne’ebé partense ba Suku Labarai.
Kandidata Xefe Suku Labarai ne’e dehan, liu husi Atividade desportu sei hamenu konflitu entre juventude sira. Tanba ne’e relasiona ho taxa bola goling ne’ebé durante hetan iha kada Aldeia wainhira festa ruma, tenki utiliza ho transparansia no honestidade hodi organiza atividade ba juventude sira.
“karik ha’u eletu liu husi taxa bola gulin ida ne’e tenki halo jogu amizade husi aldeia ida ba aldeia seluk nos mos bele konvida suku seluk atu nune’e kria amizade ba malu hamenus konflitu iha suku ida ne’e , liu husi meus ida ne ‘e ita bele hamenus konflitus sira ne’e, ita hare lia metan ka lia mutin mosu iha aldeia ka iha suku laran ne’e, ita hateten katak maioria bola guling tama barabarak tanba ida ne’e mak ita hamosu taxa bola guling, tanba ha’u nia palanu tenki tau hamutuk osan ne’e hodi halo planu aktividade.” esplika Kandidatu Xefe Suku Labarai Paulo de Sena iha sede Aldeia Holbelis Sabado (4/11).
Paulo dehan durante ne’e, iha suku Labarai, wainhira iha kolker festa sempre iha atividade jogo bola guling, nune’e konsellu suku regula meja bola guling na’in ne’ebé mak duir bola atu selu taxa ba konsellu suku liu husi xefe aldeia sira no mos ba festa na’in.
Nune’e wainhira nia eleitu mak sei Jere taxa husi bola guling ne’e ho transparansia liu husi relata ba komunidade sira konaba gastu husi taxa ne’e utiliza ba atividade saida deit.
“Aktividade iha aldeia, enkontru ruma ita tenke jere mos osan ida ne’e, maibe tenke transparansia, tanba saida mak ha’u hateten dehan transparnsia, tenke halo enkontru ida ho Xefe Aldeia delegadu delegada no mos komunidade, fo sai rezultadu durante fulan ida osan hira mak tama ona no durante fulan ida taxa hira mak ita uja ona ba aktividade, ita ko’alia konaba trasparansia ita tenki uja meus ida tenki halo inkontru kada aldeia fo sai resultadu. ita tenki transparansia atu nune hira mak ita uja ona no hira mak ita seidauk uja” tenik nia
Entretantu Kandidatu Xefe Suku Labarai, Paulo de Sena dehan sain nia promente ne’e iha sede aldeia holbelis waiinhira partisipa atividade diskusaun saudavel ne’ebé organiza husi Asosiasaun Estudante Holbelis no Juventude Suku Labarai Sabadu foin Lalais.
Jornalista : Moichung /Julio Salinas
Editor : Chamot Nahac
