Covalima (RCCT) 16-05-24-Prezidente Autoridade Munisipiu (PAM) Covalima, Miguel Armada Cardoso, hatun ona orientasaun ba diresaun servisu munisipal patrimoniu no Lojistiku atu halo kontrollu ba kareta no motorizada estadu ne’ebé halo movimentu seim gia no koñesimentu.
Prezidente Autoridade Munisipiu (PAM) Covalima ne’e dehan, orientasaun ne’e ataves husi sekretariu munisipal Administrasaun no Finanas, atu nune’e diresaun patrimonia lojisttiku bele halo jestaun hodi kontrolu veikullu estadu iha Covalima ne’ebé funsionariu sira uja la ho gia no autorizasaun, liu liu iha sabado no domingu ka loron feriadu.
“PAM hatun ona orientasaun verbal liu husi Sekretariu Administrasaun no Finansas no ba to’o ona Diretór Patrimonio no Lojistiku atu halo jestaun, atu halo kontrolu ba veikullu estadu nian, liliu ba kareta ho motor sira ne’ebé maka Diretór munisipal no sekretariu munisipiu sira uza hodi halo movimentu ne’ebe laiha autorizasaun, maibe ne’e ba iha autorizasaun tanba sa maka laiha autorizasaun tanba iha lei hatu’ur momos katak seim iha autorizasaun tantu kareta ka motor estadu nian sei la halo movimentu seim iha gia, kuandu uza hodi hala’o servisu tenke iha rekoñesementu husi PAM, labele uza sasan estadu la tuir dalan, ne’e labele” informa PAM Miguel Armanda Cardoso ba Jornalista sira iha Administrasaun Munisípiu Covalima Kinta (16/05).
Armanda dehan durante iha nia mandatu seidauk akontese ba funsionariu sira uza patrimoniu estadu, no seidauk informasaun ruma maka tama iha PAM.
“Ha’u seidauk observa tanba PAM seidauk simu informasaun ne’ebé akontese, se bainhira iha informasaun ruma maka tama iha PAM, PAM prontu foti desizaun hodi fo sansaun ba sira la kumpri regra ne’ebé iha, foti sansaun sira hanesan xamada atensaun, samada verbal ida ho xamada eskrita ida ba sira tuir lei ne’ebé maka vigora ona” nia dehan.
Enkuantu razaun PAM orientasaun verbal liu husi Sekretariu Administrasaun no Finansas ba iha diresaun patrimoniu Lojistiku atu bele halo kontrullu di’ak liu tan ba Veikullu estadu sira liliu ba kareta ho motorizada bainhira halo movimentu tenke iha autorizasaun husi PAM, kaundu laiha autorizasaun labele uza arbiru laiha oras servisu.
Jornalista : Julio Salinas
Editor : Chamot Naha
