Covalima (RCCT) 08-04-24-Prezidente Autoridade Munisipiu Covalima, Miguel Armada Cardoso Husu ba Inan aman sira iha Covalima atu haruka oan sira asesu ba ensino superior iha Universidade da Paz Ramo Covalima ne’ebé estabelese ona iha Suai.

Prezidente Audoridade ne’e dehan, Prezensa UNPAZ ho nia Ramo iha Munispiu Covalima bele redus gastus no mos fasil ba inan no aman atu kontrola ona duke haruka ba kontinua estudu nivel universitaria iha Dili.

“ Se bainhira iha dili hotu inan aman nia gastus osan sira ne’e barak liu, balu osan ba iha kos tanba fatin laiha no ba hahan no seluk seluk tan no inan aman labele kontrola sira bainhira sira husik hela iha fatin kos, UNPAZ mai hakbesik an ona iha ita nia munisipiu rasik, ha’u sujere deit ba komunidade sira se di’ak karik ita bo’ot sira nia hanoin di’ak husik hela ba ita nia oan sira mai iha ita nia Munisipiu ida ne hodi asesu ba iha aprendizazen” Prezidentet Autoridade Munisipiu Covalima saran lia ba Radio Comunidade Cova Taramoran hafoin remata enkotru ho Diretor UNPAZ ramo Covalima, Sexta (05/07) foin lalais.

Lee Tan : https://radiosuai.blogspot.com/2024/04/silvester-reprezenta-unpaz-felisita.html

Nia realsa, material ne’ebé dosente sira uza hanorin iha Covalima, la diferensia ho material ne’ebé estudante sira hetan iha UNPAZ Nasional, no mos iha kualidade ba korpo dosente ne’ebé mak hanesan.

“Ha’u fiar katak iha ita nia munispiu dosente ne’ebé mak hanorin iha ne’e mos iha kualidade, tanba sa mak ha’u dehan kualidade, tanba sira mos husi nasional mos mai I iha munisipiu rasik mos iha entaun ba iha nasional dosente sira ne’ebé hanorin ne’e hanesan no mai iha Munisipiu mos dosente sira hanorin hanesan no iha mateiria mos hanesan materia ne’ebé hanorin iha nasional mos hanesan material sira ne’ebé hanorin iha Munisipiu” tenik PAM Covalima, Miguel Armada Cardoso.

Entretantu Prezindete Autoridade Munisipiu Covalima, Miguel Armada Cardoso, mos hanesan eis estudante ba estudu lisensiatura UNPAZ ba area ekonomia iha tinan 2011.

Jornalista : Moichung

Editor : Chamot Nahac