Covalima (RCCT)
22-07-24-Prezidente Autotidade Munisipiu (PAM) Covalima Miguel Armada Cardoso “Razão”
promete sei hari Sentru Lojistiku Munisipal (CLM) ida iha Covalima, nune’e hodi
rai produtu lokal sira ne’ebé povu produs husi to’os no natar.

Miguel Armada
Cardoso “Razão” afrima iha Covalima ba potensialidade ba produsaun agrikultur
tanba ne’e persija iha Sentru Lojistiku Munisipal.

“Ida
ne’e maka mehi ida Prezidente Autotidade Munisipiu nian, katak bainhira ita
halo mapamentu ida ne’ebé di’ak, mapamentu maka identifika ona katak ita nia
rai iha Covalima ne’e iha duni potensialidade ba natar no halo to’os, produsaun
ida ne’ebé ita iha kada tinan sae ba to’o tonelada hira, ho prezensa PAM nia
mandatu ida ne’e hodi identifika ninia polusaun tonelada ne’e sae karik kria
tiha kondisaun balu tanba ita iha ona trator hodi fo fiar ona ba iha diretor
Agrikultura hodi identifika fatin hirak ne’ebé bele sai nudar fatin ne’ebé
produsaun ba hare nian, identifika hotu ninia impaktu ka obstaklu ida ne’ebé
ita haree katak bee maka ladun di’ak ka irigasaun maka ladun di’ak ka oinsa,
identifika hotu ona ida ne’e, kria ona kondisaun balu iha komunidade nia let,
kondisaun ne’e lao di’ak ona, produsaun mos sae ona ho di’ak hatudu katak hahan
sira ne’ebé la surpus dauk prezidente iha hanoin ida atu harii Sentru Lojistku
Munisipal iha Covalima” dehan Prezidente
Autotidade Munisipiu (PAM) Covalima Miguel Armada Cardoso “Razão” ba jornalista
sira hafoin vizita traballu ba iha Postu Administrativu Suai ne’ebé hala’o iha
Sede Suku Suai-Loro, Sesta (19/07).

Prezidente
Autotidade Munisipiu (PAM) Covalima Miguel Armada Cardoso “Razão” afirma hari
Sentru lojistiku Munisipal ne’e atu hodi halibur produtu lokal sira ne’ebé
to’os no natar na’in sira produs ona.

“Kria
Sentru Lojistiku Munisipal ne’e hodi halibur produtu komunidade nian hanesan
foos, batar, aifarina, fehuk, talas, fore keli, fore mungu, fore rai no seluk
tan nune’e ita bele tau iha lojittika hodi sukat ba ema rihun 86 resin ne’ebé
Munisipiu Covalima iha kada loron ida labele han dala tolu ba loron ida nian,
maibe se bainhira nia bele sukat ona  ba
ema rihun 86 resin iha Covalima bele han ona loron ida dala tolu ona ne’e ita
bele fa’an fila fali produtu sira ne’ebé ba iha munisipiu sira seluk no ba iha
nasional, ida ne’emaka prerzidente nia mehi”
informa PAM Covalima Miguel Armada Cardoso “Razão”.

Enkuantu ho mehi
Prezidente Autotidade Munisipiu (PAM) Covalima Miguel Armada Cardoso “Razão”
nian ne’e hatun ona orientasaun ba iha Diretór Agrikultura Munisipiu Covalima
atu tun ba iha terenu hodi identifika rai sira iha area Covalima ne’e hirak
maka utiliza ona ba halo to’o no natar no hirak maka sei abandona, atu nune’e
ba futuru rai sira ne’ebé abandona bele utliza hotu hodi halo to’o no natar.

Jornalista : Julio Salinas

Editor      :
Chamot Nahac