Partisipa ha
lansamentu ne’e, Prezidente Autoridade Munisipiu (PAM) Covalima Miguel Armada
Cardoso “Razão” husu ba benefisariu sira atu utiliza osan hodi atende
nesesidade sira labarik  nian.

“Osan
hirak ne’ebé ita bo’ot sira simu bazeia ba nia klasfikasaun ne’ebé maka iha hodi
eduka ita nia oan sira, liliu osan ne’e hodi hola lapizera, hodi hola sepatu at
ou hodi hola sira nia seragam la’os fuma fali sigaru, la’os hemu fali tua ne’e
labele, ne’e la autoriza osan hirak ne’e tuir nia mata dalan la autoriza ba oan
sira fuma sigaru” dehan Prezidente
Autoridade Munisipiu Covalima Miguel Armada Cardoso “Razão”.

Reprezenta Diretór
Sentru Solidaridade Sosial Munisipiu Covalima (SSSMC)  Nelson de Jesus, dehan programa bolsa da mãe
ne’e programa governu nian ne’ebé hahu kedas iha tinan 2008 ne’e foka liu ba
ema ne’ebé funeravel.

“Programa
bolsa da mãe programa ne’ebé governu nian ne’ebé maka kontinua implementa hahu
kedas iha tinan 2008 ho nia dekretu lei 28/2008, 04 de Abril fo subsidiu ba ita
nia inan sira ne’ebé identifika vuneravel, iha governu dasia ne’ebé lideradu
husi Primeiru Ministru Xanana Gusmão ho Ministra Solidaridade Sosial no
Inluzaun Veronica halo ona alterasaun ba iha subsidiou ida ne’e, uluk kada
labarik ida hetan osan ho montante $ 5.00 maibe altera tiha lei ne’e halo
mudansa ba programa ida ne’e sei bazeia deit ba nivel edukasaun tanba ne’e maka
primaria $ 8.00, pre-sekundaria $ 9.00 no secundaria $ 10.00 la hanesan tinan
kotuk ne’eba, no programa ida ne’e mos hahu halo akordu ho ita nia parseiru Banku
Nasional Comersiu Timor-Leste (BNCTL) maka sei halo prosesu pagamentu ami
sosial prepara de’it lista ne’ebé karik osan la tama labele mai dehan sosial
maibe osan laiha karik bele konfirma ho BNCTL”
nia dehan.

Nune’e mos Xefe
Suku Kamanasa, Fernando Noronha, hatete osan husi bolsa da mãe ne’e laos na’in
ba inan no aman sira, tanba ne’e tenki uja tuir klasifikasaun ne’ebé iha nanis
oan.

“Ha’u
ko’alia liu ba benefisariu sira iha Suku Kamanasa tanba akontese ona iha alin
balu, bein oan balu mai fo hatene katak mama sira la hola sepatu, la hola buku,
ne’ebé ida ne’e ha’u fo hanoin la’os osan ida ne’e lori ba joga, lori ba halo
fali lia ida ne’e ha’u lakohi atu akontese, laos imi lori ba selu fali tusan,
maibe inan ka aman sira mai simu ona osan ne’e tenke lori ba sosa duni labarik
sira nia sepatu, livru, lapizera no farda eskola nian”
nia husu ba benefisariu sira.

Serimonia
lansamentu ba pagamentu bolsa da mãe konnodisional ba benefisariu ne’e hala’o iha
Sede Suku Kamanasa, Postu Administrativu Suai, no benefisariu sira ne’ebé
partisipa iha serimonia ne’e mai husi Suku-4 hanesan Suku Kamanasa, Debos,
Suai-Loro no Labarai, no mos suku Beko hala’o iha nia suku rasik.

 Engkuantu total benefisariu bolsa da mãe
kondisional iha Postu Administrativu Suai hamutuk ema na’in-726, kompostu husi
Suku Beko ema na’in 179, mane na’in-10 feto 168. Total husi Suku Kamanasa hamutuk
ema na’in-152, mane na’in-8, feto 144. Suku Debos ema 149 mane-11, feto 138. Suku
Labarai hamutuk ema na’in 70, mane-10, feto 40. Suku Suai-Loro na’in 177 mane-6,
feto-168 hamutuk ema na’in.

Jornalista : Julio Salinas

Editor      :
Chamot Nahac