Covalima (RCCT) 24-03-25-Ministeriu Edukasaun Partilla Informasaun konaba mata dalan utilizasaun konsesaun eskolar ba Diretór Eskola, Koodenador Eskola Baziku Central (EBC) no Eskola Baziku Filial (EBF) no Gabinete Apoiu Tekniku Eskola sira iha Munisipiu Covalima.
Iha Okaziaun ne’e, Prezidenti Autoridade Munisipiu (PAM) Covalima, Miguel Armada Cardoso (Razão) husu ba dirijenti eskolar sira atu utiliza orsamentu konsesaun eskolar tuir Matadala hodi nessesita no dezenvolve eskola ida-idak, tanba orsamentu konsesaun ne’e ho montante ka valor bo’ot, alunu ida iha direitu hetan $ 2.00 kada fulan.
“Desimina Informsaun konaba Mata dalan konsesaun eskolar ne’e importante tebes ba iha diretór eskola no kordenador eskola ho Gabinete eskolar sira, Osanmentu ne’e ezekuta sosa ATK no halo manutensaun ki’ik, hanesan oda matan at, jandela la di’ak no keramik ruma rahun ho osamentu ida ne’e sira halo jestaun no bele ezekuta tuir mata dalan ne’ebé mak produz ona iha ne’eba,” PAM Covalima, dehan.
Prezidente Autoridade ne’e mos dehan, forma ona ekipa hodi motiriza ezekusaun orsamentu konsesaun iha kada eskola hodi garatia gastu tuir mata dalan ne’ebé iha ona.
Iha fatin hanesan, Kordenadora Eskola Baziku Filial (EBF) Beidasi, Fatululik, Blandina Tes Mali, garatina sei utiliza orsamentu konsesaun eskola mata dalan no gasta tuir nesesidade eskola nian.
“Ha’u sente formasaun ida ne’e importante tebes mai ami no liu liu ba kolega koordenador no koordenadora sira ne’ebé mak foun hodi nune’e sira ne’ebé mak foun bele hateten no ida ne’e importante tebes no mai ha’u mos bele kleur ona tamba ha’u mos asumi kargu koordenador k’leur ona ne’ebé di’ak maibe ne’e impotante tebes tamba ida ne’e relasaun ho finanseiru tamba buat ida relasaun ho finaseiru ne’e importante ba nesesariu ba iha eskola tamba formasaun ne’e konaba planu ezekusaun orsamentu no konaba relatoriu ezkusaun orsamentu ba iha eskola ida idak “ nia dehan.
Entretantu orsamentu konsesaun eskolar fahe ba kategoria rua, mak hanesan pre-eskolar ne’ebé resposaveliza husi Administrasaun Munisipal ho alunu ida iha direitu hetan valor $ 0.75 kada fulan, nune’e iha tinan 2025 Autoridade Munisipiu Covalima aloka osan hamotuk dolar amerikanu rihun sanulu resin nen resin. sentavus rua ($ 16,002.00), no konsesaun ba Eskola Baziku Sentral responsaveliza husi Munisteriu Edukasaun, alunu ida hetan direitu ho valor $ 2.00 kada fulan, nune’e Ministeriu Edukasaun aloka osan konsesaun eskolar ba tinan 2025 hamotuk dolar amerikanu rihun atus tolu ualu nulu resin hat, atus nen ruan ulu resin hat ($384,624.00)
Jornalista : Alfredo barreto
Editor : Chamot Nahac
