Covalima (RCCT) 02-06-25-Prezidente Autoridade Munisipiu (PAM) Covalima, Miguel Armada Cardoso (Razão), diriji serimonia hasa’e bandeira nasional ba semana dahuluk fulan Juñu tinan 2025, iha Edifisiu Administrasaun Munisipiu Covalima.
Iha nia diskursu, Prezidente Autoridade Munisipiu Covalima, apelu ba Sekretariu Munisapal na’in 3, Sekretariu Munisapal Administrasaun no Finansas, Sekretariu Munisipal Planeamentu Investimentu Dezenvolvimentu Integradu, Sekretariu Munisipal Asuntu Sosiais no Organizasaun Komunitaria, Diretóres Servisu Munisipais no Kargu Xefia inklui funsionariu kazuais sira hotu, atu mantein disiplina no mos kumpri oras ne’ebé determinadu ona.
“Tau atensaun, haree nafatin ita nia servisu tuir programa no sub-programa sira ne’ebé maka ita iha, nune’e bele atinji mehi ne’ebé maka iha hodi dezenvolve Nasaun ida ne’e, espesifikamente ita nia Munisipiu Covalima,” Prezidente apelu.
Serimonia Hasa’e Badeira Nasional ba Semana dahuluk fulan Juñu tinan 2025 ne’e hala’o iha resintu Administrasaun Munisipiu Covalima ne’ebé Diriji husi Prezidente Autoridade Munisipiu Covalima, PArtisipa husi Sekretariu Munisipal Na’in 3, Diretór Servisu Munisipal no Delegasaun territorial sira, no mos Polisia Nasional Timor Leste Komandu Munisipiu Covalima, Partisipa mos husi Prezidente Veteranu Covalima, Funsionariu Publiku no mos Funsionariu Kazual sira.
Jornalista : Gabriel Amaral
Editor : Chamot Nahac
