Covalima (RCCT) 03-06-25-Segunda Feira horsehik (02/06), Prezidente Autoridade Munisípiu (PAM) Covalima, Miguel Armada Cardoso (Razão), akompaña Ministru Planeamentu Investimentu Estratejiku, Gustão Francisco de Sousa, no Sekretariu Estadu Dezenvolvimentu Lokal (SEDL) Mataeus dos Santos Talo, halo abertura Ofisial Planu Munisipal Ordenamentu Territorial (PMOT) Munisipiu Covalima.
Prezidente Autoridade Munisipiu Covalima hato’o, Munisipiu Covalima hatete Planu Ordenamentu hanesan instrumentu ida ne’ebé presiza hodi apoiu orienta dezenvolvimentu nune’e atu bele esplora potensialidade no rezolve problema inklui frakeza sira hotu hodi harii Covalimai da ne’ebé prospeiru liu iha future.
“ Ami hein katak, Planu Ordenamentu ne’ebé sei dezenvolve ba ami nia munisipiu bele fó mai ami nu’udar instrumentu ne’ebé ami presiza hodi bele orienta ami nia dezenvolvimentu ho loloos, tanba ami mos kleur ona iha vizaun atu dezenvolve planu ordenamentu ida ne’e ba ami nia Munisipiu no ami mos hatene katak Munisipiu seluk dezenvolve ona sira nia planu no balu mos agora dadaun sei dezenvolve hela no haksolok tebes ne’ebé ohin ita hotu elabora ami nia planu ordenamentu ida ne’e,” Prezidenti Autoridade Munisipiu Covalima, Miguel Armada (Razão) dehan iha salaun Administrasaun Munisipiu Covalima, Segudan (02/06).
Iha okaziaun ne’e, partisipa maximu husi, Ministru Planeamentu Investimentu Estratejiku, Gustão, Sekretáriu Estadu Dezenvolvimentu Lokal (SEDL), Diretór Jeral Ordenamentu do Territoriu, Prezidente Autoridade Munisípiu (PAM) Covalima no mos Sekretariu Munisipal Administrasaun Finansas, Sekretariu Munisipal Planeamentu, Investimentu Dezenvolvimentu Integradu, Sekretariu Munisipal Asuntu Sosiais no Organizasaun Komunitaria, Prezidente CCLN Munisipiu Covalima, Autoridade Postu Administrativu hitu.
Jornalista : Alfredo Barreto
Editor : Chamot Nahac
